وآآه من غربة الاحلام
وآآآه من خطوتين رجعوا وفاتو المستحيل قدام
ومن حدوته ملتوته وملضومه مع الأوهام
وطوق مقطوع على الضفة اللي بتهد الكلام بكلام
وهنت عليه
.
.
.
.
.
وعيني دمّعت في عنيه
وصوت قلبي اندبح لما نديت جرحي ورد عليه
مطبْطَبْشي على الماشي
وكمل سكته لوحده وقال: يا نعيش يا تتعاشي
وقسّمني في تقاسيمها
ومرّغني في هواه ساعه وصحاني في تفاصيلها
وحاسب عللي فات منها وفاض مني وراح ماشي
ومش قادرهأموت تاني
واعديني من السكة اللي عديتها كتير تاني
وادوس على "حبك المجنون"
....... وأحلى عيون
........ و وحشاني
واكون أرض البراح ليهم ومسجوني وسجّاني
واكون صبر الغرام كلُّه
وسلوانُه
وأحزاني
ده بيت العنكوب كان بيتي ياما بنيت
وبكّاني
ومش ذنب النصيب ذنبي
ومش مرسوم من الدنيا أكون مخدوش في شال بمبي
أنا قلبي اللي علاّني وقال عبي النجوم عبي
وعباها عشان نورها
فداق نارها
ومات جمبي
هناك ٢٨ تعليقًا:
وينك !
يعنى لازم الناس تدخل مدونات هنا وهناك عشان تشوف عنوان تعرفه ,, (اه اعرف طعمة) ,, واكون متأكدة انى سأجد شىء لك
عشان الاقيكى
واسأل عنك
وينك !
بصراحة بوست جميل جدا انا اول مرة ادخل المدونة وانشاء اللة مش الاخيرة
ليه كده يا منار هتخلى الاستاذه تزعل مننا
اصل احنا اللى مسؤلين عن البرمجة بتاعة المدونة
على العموم خلاص عدلنا الخاصية وبقى ممكن اى حد يعلق
منوره التدوين
ويني يا ايمان
في الدنيا يا بنتي
مره تهدي البال ومره تنعكشه
مره تفرط المزاج ومره تكرمشه
وانا بقا بين ده وده ماشيه وكتييييييييير بقصر بسبب التوهة
لكن والله مش بنسى
وحشتيني
تنورني يا أفندم واهلا بيك وخالص شكري على رأيك الرقيق في المدونة
:)
حبيبتي منار
والله يا بنتي فيكي الخير
أصل انا اتسألت كتير عن حكايات الردود من خارج المدونين دي
وطبعا مقولكيش على الجهل الفيزيقي اللي عندي وللي كان بيخليني أجيبهم بالصمت الرهيب
بس انتي كده وضحتيلي وحلتيلي مشكله ووليد بناءا على كلامك بجد بجد بجد لحق نفسه
منوراني منار وشكرا على روعتك الدائمة وتحياتي لزملائك الأفاضل وخالص امتناني :)
ربنا يكرمك يا وليد
بس خساره
منار ضيعت عليه فرصة اني ازعل منك
والحقيقه مكنتش هزعل طبعا
كفايه تعبك
وتسلم ايدك
دي أول مرة أدخل مدونتك
تعليقي الوحيد
أحييك
قصيده حلوه يارب دايما
تجربة شعرية حلوة
فكرتني بالابنودي
تحياتي
تجربة شعرية حلوة
فكرتني بالابنودي
تحياتي
يا فندم بلوج راااائع و كلمات اكتر من رائعة انا راجل اقرب للحمة الضاني من الشعر
لكن بعرف ادوق برضة
مساء الخيرات يا افندم
آسف لاننى لم اقدم نفسى فانا صاحب مدونة سيبها على الله وقارئ ومتابع لمدونتك ...عموما احب اقولك ان التاج صابك ولازم توفى به وعلشان تعرفى كل الحكاية ارجو زيارة مدونتى لتعرفى حكاية التاج
ومش ذنب النصيب ذنبي
ومش مرسوم من الدنيا أكون مخدوش في شال بمبي
أنا قلبي اللي علاّني وقال عبي النجوم عبي
وعباها عشان نورها
فداق نارها
ومات جمبي
روعه روعه بجد انتى استاذه
رهيب التعبير ده
انا بجد منبهر بيها
شرفنى انى شفت المدونه دى وقريت الكلام ده وياريت كل الناس تقراها لانى بكتب شعر فحسيت قوى كلامك روعه
انتى مش بنت عادية جدا
انتى بنت جميلة جدا جدا جدا
بجد تصفيق حاد ليكى
يابنتى انتى خطفتينى لدنيا تانية
لحالة تانية
رائعة
هاي اول زيارة :)
الشعر اكثر من رائع:)
فنانة!!
محمد أبو زيد
شكرا لتحيتك وكامل تقديري لوجودك
black day
ربنا ما يجعل الحاجات دي تموت أبدا يا أفندم
شكرا على ذوق اطراءك
شكرا عمر ر بنا يكرمك وأهلا بيك :)
أكتب بالرصاص
ربنا يسمع منك يا أفندم
لله الحمد على فضله
تحياتي
اسلااااااااااااام
بجد أسعدني وجودك أخي العزيز
وأهي فرصة أرد هنا والعفو بقا على التأخير
كل عام وانت إلى الله أقرب
ورمضان كريم
شكرا على ذوق رأيك :)
سيبها على الله
شكرا جزيلا على وجودك وعلى التاج
أنا روحت المدونة فعلا وبحييك عليها وقصرت في تسلم التاج لظروف انترنتية خارجة عن إرادتي والله
أسعدني مرورك ورأيك وتتويج كلامك :)
مفلس أفندي الرايق
ولانك شاعر إذن رأيك يبقا محل تقدير كبيرجدا
شكرا على إطراءك وتقديرك وشرف مرورك
:)
الوردة السوداء
ما أجمل الخطف
عارفه المشكلة إيه ؟ المشكلة ان الواحد في زحمة الدنيا مفتقد الخطف حتى مع القلم
شكرا ليكي كتير
ربنا يكرمك :)
أهلا ايمان
ان شاء الله متكونش الأخيرة
انتي شرفتيني ورأيك شرفني
:)
اسلوبك رائع فعلا وله مذاق خاص وتعبيراتك وتشبيهاتك تجعل الواحد يفكر 100 مرة في كل كلمه بيقراها لكنه بيفهمها من اول مرة يعني المعني واضح جدا بس بتحمل ورائهات معاني كتييييييير
تحياتي والي الامام
ميرو
الناي الحزين
رأيك أسعدني جدا واحمد الله أن ليس في الكلمات صعوبة جلية وأن لها دربا تصل به إليكم
جزاك الله خيرا
إرسال تعليق