ولما أبدأ
أخط الخط بتزوق
وتندهني يا ناس روحي
وبتلزق
عشان أفرح
ويجري الفرح م المطرح
أروح ماسكاه
وأقوله : متختشي مره
ولو سرقه
ده أنا هنطق
يقول : ماشي عشان تُرزَق
ويعملي كمان قهوة
ويفرد ع الجبين ورقه
ويكتبني بخط أزرق
يا بايخ زي يوم العيد اذا عدا بدون فستان
خلاص يعني مهنش عليك تفوتلي بالتة الألوان
؟؟؟؟؟؟
يقولي اللون ده من توبك
ومولود الكلام عنوان
خلاص يا فصيح هتتفلسف
كفاية تجود عشان أعرف
بإني لسه جوا حروف
ولسه بخاف
ولسه من إللي جاي بتشاف
ولسه بحن للدقه إللي وسط البرد تبقا لحاف
ولسه بقول أنا بنتك
يا بحار....والزمن مجداف
.........
وبيزمزق أهو مني
هيمشي خلاص
ثواني لسه فيه كلمة فِـ قلبي لجل لأغلى الناس
وحشتوني
ملامحي زي ما هيه
وصوتي بالكلام غيه
عيوني ع الشطوط لكن
نصيب قلبي معديه
وفرح قليل
وحشتوني
يا رنة عمري بالمواويل
بيرميلي الفرح منديل
خلاص ماشي
؟؟!!!!
أكيد راجع
دا حمَّال الأسية يشيل
هناك ١١ تعليقًا:
عود احمد وقوى
السلام عليكم
من فترة ليست طويلة وانا اتابع البلوج ده
واقترح عليك تغيير الاسم الى
بنت غير عادية ابدا هههههههه
فعلا غير عادة
وانا يسعدني ان اكون متابع لك
انا لما بجي مدونة بلف شوية فيها لفيت في مدونتك لقيت كله عاجبني وداخل دماغي بروح علطول احطها علي الفوفرت
علشان اتابع كل كلمة تتقال هنا تاني لان كلامك عاجبني وجداااا كمان هايلة ومش مجاملة
أنا متابعه أشعارك والقصيده كعادتك راااااااااائعه بجد بتنبض بالجمال يمكن أكون أول مره أعلق على قصايدك بس انا متابعاها ع الموااقع من زمان ..حقيقي مبدعه ..
وانا شاعره"على قدي" أتمنى تزوري مدونتي ..
وتعلقي على قصيدتي ..
http://ma7laky-yabaladna.blogspot.com/
جٌلّ تحياتي ..
كالعادة دايما قصيده رائعة زي كل اللي بتكتبه
ورائعة زيك انتي كمان
الى الامام دائما
مع خالص حبي وتقديري
اخوكي الجالس في وسط جمهورك
في الصف الاول
محمد عبد الرازق
محمد عبد الغفار
أسعدني مرورك جدا
واستبشرت به أيضا
فأنت صاحب رأي يشرفني حضوره
شكرا لك وخالص امتناني لاطرائك :)
محمد
شكرا لك على سخاء وصفك
ولكن الصحيح فقط هو ما يصح ....!! والصحيحي أنها عاديه
وجدا كمان :)
شكرا لك
واهلا بك :)
يا بايخ زي يوم العيد اذا عدا بدون فستان
خلاص يعني مهنش عليك تفوتلي بالتة الألوان
؟؟؟؟؟؟
يقولي اللون ده من توبك
ومولود الكلام عنوان
خلاص يا فصيح هتتفلسف
كفاية تجود عشان أعرف
بإني لسه جوا حروف
ولسه بخاف
ولسه من إللي جاي بتشاف
ولسه بحن للدقه إللي وسط البرد تبقا لحاف
ولسه بقول أنا بنتك
يا بحار....والزمن مجداف
.........
مهما بنكبر ونزداد قوة مع الوقت والخبرات
بيفضل جوانا ذكري الكيان القديم
و برائته ورقته وخوفه
مشاعره وحتى تخاريفه
شوية ضعف
ولو نسيت الماضي هنساني
يبقى لازم لحظة ضعف
تخلي مشاعري فاكراني
طولتي المرة دي أوي
ومدونتك من الأماكن اللى بتريحني نفسيا
كل الدنيا بقت ماشيه عوج وبالمقلوب
هنا بحس إن لسه فيه حاجه في مكانها ولسه معدولة
:)
ما شاء الله
انا مش عارف المدونة دى كانت تايهه عنى فين
بجد ربنا يباركلك
ــــــــ
تحياتى
الله عليكي بجد
يابايخ زي يوم العيد اذا عدابدون فستان
بجد جميلة جدا
عادل الفنان
يعني البلوج هيبقا على صفحتك البديعه ؟ ده شيء مشرف ومشرق قطعا بالألوان ويسعدني أنت تكون من قراء كلماتي المتواضعه
شكرا على تقديؤك واهلا بك على الدوام :)
إرسال تعليق