الثلاثاء، ديسمبر 19، 2006

إللي مِـش خايـــن يِقـــــول



نِفسي ترجع تاني بلدي أغلى من كل البلاد
نفسي أتشرف بولدي لما يتصفوا العباد
نفسي أقول أنا كنت مصري
الرخيص مش هو مهري
نفسي أَتْستر بضهري مش ضُهور باقي البلاد


يا صباح الخوف عليكم يا مساء الكبرياء
حرَّكو الموت فوق ايديكم واهتفوا : عايشين ... نشاء

دي الإرادة والعباده
مش عطية واللا عاده
مش خَيار عند اللي عايش للي عايش ما يشاء


لما دمَّك يِبقا فوق رصْف الشوارع والبيوت
يبقا ايه فاضل عشان الصبر فيك يطعلُه صوت
خدني طب على أد همي
لو هتقبل طعم دمي
طب يِسيل علشان نعيشـ ـلُه ليه يسيل علشان نموت

حرفي مش هو الوسيلة بس صوت طالع يقول
ان بكرة بايدنا احنا واللي فات مش راح يقول
بكفايانا كان وكنا
الزمن ده بيحكي عنا
اننا احنا اللي خُنَّا واللي مش خاين يقول

هناك 51 تعليقًا:

سلامـــــــــــــه يقول...


اصبح شيء طبيعي جدا اننا نسمع كل
يوم قصايد بتتكلم عن الوطن
والطبيعي اكتر ان المتكلم بيتحدث علي لسان مصر
وبيقول للكل انهم خاينين
وان اللي مخانش فيهم بس لانه ملقاش الفرصه انه يخون
والزخم الوطني ده ساعات كتيره بيصيب بالاحباط
خصوصا لما نلاقي الكلام متكرر وملوش لازمه
بس فعلا العمل اللي انا شايفه ده حاجه مختلفه , حاجه كده تخلينا نقبل اننا نسمعه , ونحفظه , ونقوله كمان
حاجه كده نستمتع بيها , وده شيء نادر في الشغل الوطني
لو بصينا كويس هنلاقي صور جميله جدا وجديده هتخلينا في الاخر نقبل انها تقولنا اننا خاينين , وساعتها مش هتاخدنا الوطنيه والعنتزه الكدابه ونقول لا , لاننا فعلا حسينا بيها بتسحبنا بهدوء ومن غير دوشه لاننا نعترف بده في الاخر
عاجبني جدا الجزء ده

خدني طب على أد همي
لو هتقبل طعم دمي
طب يِسيل علشان نعيشـ ـلُه ليه يسيل علشان نموت

عزيزتي
احييك علي السلاسه اللي متعتينا بيها في القصيده
...................
عزيزتي
دمتي بود

Mohamed A. Ghaffar يقول...

جميل جميل جميل

ومش هنفقد الأمل بكره افضل بوعد الله

naughty eyes يقول...

اقولك ايه بس يا رشا..

كلماتك بجد حسيت بيهاا اوي ...

حسيت اللي بيتكلم نزيف بيصرخ ويناجنا لكي نداوي جرحه حتي يهدأ ..

كلنا هذا النزيف اختي ولكن منااا من يصرخ ومناا لا يشعر ومناا يتابع في صمت ..


اتمني ان يصل صريخ الجرح للجميع ..

املك وحلمك من اكبر واجمل الاحلام ..

ومين مش نفسه بلده ترجع بلده من اغلي البلاد ..

بحييكي علي احساسك العميق ..

حقآآ كل جمله كتبيتها وليها طعم ومليئه بالاحساس اللي يصل الي القلب ولكن من عمق معناااه صعب تقدري تفسريه مش قادره افسرلك فعلا الاحساس الحقيقي اللي جوايااا

دومتي متألقه ..

مُزمُز يقول...

عمل جيد في الحقيقة

بصراحة منذ قراءة العنوان البديع تستطيع أن تدخل إلى الكلمات بروح جديدة

تحياتي ايتها المبدعة الجميلة

رفقه عمر يقول...

حلمك قريب من احلامى انا نفسى يرجع لجمال فى كل شئ وترجع مصر تانى اجمل بلاد الدنيا

عمر المنياوي يقول...

والله عندك حق يا رشا فعلا مش لازم نلوم حد غيرنا على اللي بيحصل في البلد قديما قالوا صلاح الحاكم من صلاح المحكومين
بس أكيد هييجي يوم نتحرر فيه من الاستعمار الداخلي اللي بنعيشه

وأحب اهنيكي على أسلوبك الممتع اللي بيعبر فعلا عن حاجات جوايا انا شخصيا ومهما حاولت مكنتش هعرف اعبر باحسن من كلامك ده

رشا عبد الرازق يقول...

سلامه
بالتأكيد لما كتبت الكلام اللي انكتب جوايا ده مكنتش اتخيل أبدا ان ممكن يكون ليه صدى زي ده
ولا تصورت أن أستمع لهذه الرؤية المشجعة جدا لنبضه عادية غلبتني
غلبتني جدا
وهذا النص من النصوص التي أمضيت كل يومي وانا ادندن فيها اول بيتين ثم وجدتها تنسال بمفردها
وتتوقف عندما تشاء هي
وترتب نفسها بنفسها
شكرا سلامه
شكرا كبيرة جدا على كرم تعليقك :)

رشا عبد الرازق يقول...

Mohamed A. Ghaffar

بالتأكيد
نحن نحيا ما نحياه الآن متماشين مع سنة الله في خلقه
ووعده من سنته
ان شئنا وعده جاءنا
وان لم نرده جاء بغيرنا

شكرا على تواجدك :)

رشا عبد الرازق يقول...

naughty eyes
همهمات شعورية شديدة الصدق يا عزيزتي
ردك له علامه حين أتلقاه باحساسي دفقا طبيعيا من احساسك
شكرا لهذه الرهافة
وأهلا بمتابعتك الدائمة وتشجيعك المميز :)

أُكتب بالرصاص يقول...

يبدوا ان في حاجة مشتركة بين كل المصرين



تفتكري ايه ؟

رشا عبد الرازق يقول...

مزمز
أصدق التحايا لك على اطلالتك الطيبة
شكرا على تقديرك المشرف وتعقيبك الرقيق :)

رشا عبد الرازق يقول...

رفقه عمر

مهو أحنا نفس الناس بنفس الهموم لنفس البلد والفرح والحزن والخوف
و............ والحلم طبعا
شكرا على تواجدك الكريم :)

رشا عبد الرازق يقول...

عمر المنياوي
أهلا عمر
هيه هيه جوا تسعة أعشر الخمسه وسبعين مليون انسان هنا
والعشر نايم تحت حراسة سكوتنا عن كل شيء منا اتسرق
وبيتسرق
والليل كل ما يليل تزيد العتمه
وعشان النهار يجيي
اللي نايم في الواجع
لازم يقوم
:) منورني عمر

رشا عبد الرازق يقول...

أُكتب بالرصاص

:)

الخيانه

على كل شكل ولون

أهلا بيك :)

غير معرف يقول...

ماشاء الله يارشا

حفظك الله حبيبتى كلماتك رائعه..

استشعرت عند قرائتى لها باحساس جديد..

احساس جديد ونقى يتخلل بين طيات قلبى..

حبيبتى أردت أن أسجل إعجابى بكلماتك الرائعه.. علما أنه لم تخلق الكلمه التى تعبر عن روعه ما كتبتى..

أحبكِ فى الله..

لؤلؤة الزمن

سلامـــــــــــــه يقول...

لا شكر علي واجب
انا كنت بقول رايي بكل حياديه ومن غير مجاملات
وفعلا ده اللي وصلني من قصيدتك
واي قصيده مكتوبه بصدق احساس وفنيات عاليه لازم تعمل كده في المتلقي
وانتي بجد ممتلكة فنيات عاليه بتظهر في معظم شغلك
................
عزيزتي
دمتي بود

سلامـــــــــــــه يقول...
أزال أحد مشرفي المدونة هذا التعليق.
cartoooch يقول...

في كل مرة أقرأ لكي أشعر بتوهج في شعر العامية المصرية خاصة من شواعر هذا البلد الجميل لكن على الرغم من ذلك فأنا أرى ـ وهذا رأي شخصي ـ أنك أقوى بكثير في العامية عنك في الفصحى لكن أنا أستمتع كثيرا بشعرك فبحق أتمنى لك التوفيق

غير معرف يقول...

ياريت يا رشا بلاش البخل ده
مش كل شهر تدوينة
بحبحي شوية

رشا عبد الرازق يقول...

سلامه
يشرفني مرورك الثاني كما ويشرفني رأيك بقلمي وأسأل الله أن أكون على ما ذكرت من نعمه وأن يجعلني أهلا لهذه الثقة وهذه النظرة الكريمة
تقبل تقديري :)

رشا عبد الرازق يقول...

cartoooch
أهلا برأيك وبك
كلاهما مني ويسعدني أن يتنافسا عندك فاذا انهزم منهما واحد
لم أحزن فالآخر قد ربح
شكرا على وجودك ومتابعتك أخي الكريم
لك وافر التحايا

رشا عبد الرازق يقول...

ياريت يا رشا بلاش البخل ده
مش كل شهر تدوينة
بحبحي شوية


:)

الله المستعان يا أفندم
على الوقت
والنفس
والدماغ
والنت
أهلا بيك دوما :)

أُكتب بالرصاص يقول...

لا
ماقصدتش الخيانة

انا قصدت نقد الذات بخفة دم

احنا ممكن نلسع انفسنا بكلماتنا

وده ما شعرت به وانا اقرأ الكلمات

كلمات حلوة فيها روح السخرية


والنقد ايضا

احييك

غير معرف يقول...

السلام عليكم كلنا يسمع عن مايتعرض له اخوانا في العراق من قتل وابادةو لانستطيع ان نفعل لهم شئ غير ان تدمي قلوبنا لهم وعليهم فليس اقل من محاولة اظهار ولو قدر ضئيل من معانتهم لذلك لقد قام احد الاشخاص بمحاولة تدوين جزء مما يحدث لهم فرجاء الاطلاع علي المدونة لمعرفة حقيقة وضع اخواننا العراقيين و نشر عنوان هذه المدونة لعلها تكون محاولة بسيطة في دعمهم ونصرتهم ولو باضعف الايمان http://iraqsawt.blogspot.com/ _____وجزاكم الله خيرا
http://iraqhost.blogspot.com/

غير معرف يقول...

السلام عليكم كلنا يسمع عن مايتعرض له اخوانا في العراق من قتل وابادةو لانستطيع ان نفعل لهم شئ غير ان تدمي قلوبنا لهم وعليهم فليس اقل من محاولة اظهار ولو قدر ضئيل من معانتهم لذلك لقد قام احد الاشخاص بمحاولة تدوين جزء مما يحدث لهم فرجاء الاطلاع علي المدونة لمعرفة حقيقة وضع اخواننا العراقيين و نشر عنوان هذه المدونة لعلها تكون محاولة بسيطة في دعمهم ونصرتهم ولو باضعف الايمان http://iraqsawt.blogspot.com/ _____وجزاكم الله خيرا
http://iraqhost.blogspot.com/

ادم المصري يقول...

يابنت اللذين

مالكيش حل بجد والله مش عارف اقولك ايه

محمود البنــَّـا يقول...

يا صباح الخوف عليكم يا مساء الكبرياء
حرَّكو الموت فوق ايديكم واهتفوا : عايشين ... نشاء
دي الإرادة والعباده
مش عطية واللا عاده
مش خَيار عند اللي عايش للي عايش ما يشاء


مين ده اللى قال إنك عادية جداً .. ؟

مـحـمـد مـفـيـد يقول...

اسلوبك سلس
وحساس جدا

إبـراهيم ... معـايــا يقول...

جميـلة يا رشــــا ، جميلة جدًا . . .



أنا سمحت لنفسي إني أحط مدونتـك عندي



أتااابعـك ( سبحان الله ) في صمت



تحياااتي

tamer يقول...

ربنا يحمى بلدى من كل شر واشوفها ديما فى احسن حالة

tamer يقول...

ربنا يحمى بلدى من كل شر واشوفها ديما فى احسن حالة

Dr. Tantawy يقول...

حرفك و قلمك هما الوسيله حاليا لأن معندناش اكتر منهم

و اللي نفسك فيه هيحصل .. لأن حاجه كل الناس نفسها فيها مش هتفضل حلم .. الاحلام طول عمرها طموح فردي .. انما التغيير في مصر طموح شعب كامل .. لكن ناقص ان الطموح ده يظهر مش يفضل في الادراج و تحت السرير

انا متفاءل انه هيظر ..تفاءلي بالخير تجديه :)

مدونه جميله .. تحياتي

hisham يقول...

انتى فعلا شاعره مرهفة الحس وموهوبه حأكتبللك الايميل لأنى محتاج شغلك
cinefilm_1@yahoo.com

أُكتب بالرصاص يقول...

انا كمان نفسي

في حاجات كتير

ولكن
وما نيل امطالب بالتمنى
ولكن ....
تأخذ الدنيا....
بالدراع

لازم يحدث التغيير..

وطبعا لازم يكون سلمي

واول انواع التغيير

التغيير من جوانا

te3mah يقول...

زعلانة منك يا رشا
يا ترى فاكراني ؟

amany يقول...

مدونة لذيذة اوووى ربنا يكرمك واكثر من رائعة اهو البنات ولا بلاش على فكرة انا اول مرة ادخلها ربنا يكرمك ويزيدك

غير معرف يقول...

انا مش خاين والله العظيم

بل بالعكس بحب مصر قوي

القصيدة جميلة

وانتظر زيارتك لمدونتي الجديدة

http://www.ana-elbahr.blogspot.com

مع خالص تحياتي ليكي

كبير المتشردين يقول...

تفتكري في امل معتقدش ربنا يوفقك وتشوفي اليوم ده انا بحاول زيك وواقف في الطابور --- طابور الحالمين الوطنين بس مش من باب التفاؤل بل من باب الشعور بالمسئولية

18goosebumps يقول...

التدوينه فكرتنى بجمله من كلمتين
اكرها كره شديد
وما ان اسمعها او اقرأها حتى استشيط غضبا

"مصر الفراعنه"

وكأن الزمن توقف هناك

!

تحياتى

سلامـــــــــــــه يقول...

فينك يا بنتي
وفين جديدك
لعل المانع خير
...........
عزيزتي
دمتي بود

وليد يقول...

اتفرجى يا رشا على الفيديوهات دى
http://ensavidio.blogspot.com/
عشان تعرفى مصر رايحة فين

مُزمُز يقول...

وقع للتضامن مع كريم عامر وللدفاع عن حريتنا

http://blogger-in-jail.blogspot.com/

مجهول يقول...

عزيزتي العاديه اللي مش عاديه
اولا دي اول مره في مدونتك
وثانيا
انا مش خاين
واديني قلت
ثالثا انا كمان بحب صوت المطر وصوت البحر و صوت فيروز الصبح
رابعا وده المهم
البوست ده جامد جدا جدا وموضوعه مهم جدا
بس فعلا هوه مين الخاين؟
الخاين اللي يسكت و لا اللي يتكلم
واذا اتكلم يراعي و لا يتكلم وخلاص


حرفي مش هو الوسيلة بس صوت طالع يقول
ان بكرة بايدنا احنا واللي فات مش راح يقول
بكفايانا كان وكنا
الزمن ده بيحكي عنا
اننا احنا اللي خُنَّا واللي مش خاين يقول

كلام عجبني اوي اوي
بس سؤال برضه
احنا نخون بعض ؟؟؟

يالا معلشي انتي بكلامك اللي مسني من جوه حرك فيا اسئله كتير
خليني مع نفسي اجاوب
ويمكن اوصل
لك تحياتي دوما

أُكتب بالرصاص يقول...

خايف اقول ابدعت
اكون مقصر في حقك

خائف اقول احسنت
لا اوفيك


ما علينا

تحياتي

sosa يقول...

السلام عليكم ورحمة الله وبركاته
انا باحثة واقوم ببحث عن المدونات وحرية الراى
واتمنى تفاعلكم معى من اجل الوصول الى بعض القواعد والقوانين التى تساعد المدونين على نشر ارائهم بكل حرية
وبقيود دينية اخلاقية تمهد وتنير وصول الكتابات الحرة الجيده مباشرة الى المسئولين والى قلوب الناس
اتمنى مساعدتى فى ملأ استبيان به بعض الاسئلة الخفيفة
وانتظر ردكم بالموافقة على معاونتى على المدونة الخاصة بى
http://crazy-sosa.blogspot.com/
او على الايميل
sosa_444@yahoo.com
ارجو تفاعلكم والاهتمام بالامر لجديته واهميته الشديدة
سارة الاسكافى

bibo يقول...

والله مصر من اجمل بلاد الدنيا ما يعرف قيمته الا اللى يبعد عنها ابعدوا شوية وانتم تشوفه صح كل البلاد فيه وفيه بس مصر محروسة من الرحمن واجمل بلاد الدنيا بشعبها وناسها

khaled يقول...

هصرخ وعلى صوتى انا موش خاين انا شريف وحر ومايهمنيش اذا كانت البلد فيها ظلم هيا الى راضيه محدش ضربها على ايديها وهقولها تانى انا حر وهموت حر انشاله لو عايش فى بلاد الظالمين او بلاد الاحرار

غير معرف يقول...

اخيتي رشا رزق
السلام عليكم
انا طبعا اسجل اعجابي اولا بكلماتك ومدونتك
ثانيا ياستي انا بحثت عن ميلك ولم اجدة
شكلك مخبياة
انا بس صحفية وكنت بعمل تحقيق عن اسماء المدونات وسببها وانتظر مراسلتك لي علي ميلي
oheb_hegabee@hotmail.com

Ahmed AL-Hussany يقول...

احييكي جدا على احساسك الجميل
احييكي على الوطنية الرائعة
كلمات جميلة
واحساس اجمل
واكتر ما عجبني السطر الاخير
الزمن ده بيحكي عنا
اننا احنا اللي خُنَّا واللي مش خاين يقول

ياريت نقدر نصرخ
ياريت نقدر نقول
تحياتي جدا جدا

الحب انسان حساس يقول...

انا

mahmoud يقول...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير