الأحد، مايو 20، 2007

بفتح البــاء ... والــواو ...... والظـــاء

شفتو ميس ايجبت السنه دي ؟
لأ ؟
ولا أنا
طب شفتو مستر ايجبت السنه دي ؟
لأ
ولا انا
أصل أنا رجعيه
ومفهومي عن الرجاله لسه مختلف

طب شوفتو ميس ايجبت السنين اللي قبل كده
لأ
انا شفتها

طب للي شاف ومشفاش
كلنا عارفين قطعا
طب بلاش
شفتو أ. وائل الابراشي في برنامج الحقيقه
أنا شفت
وطبعا كلكم شفتوالحلقه وسمعتوها
أهي بجد بجد
هيه دي المهازل
مهازل بجد

أب ... محموق أوي
ثائر
هائج
يتهم الجميع لان ابنته ظهرت على صفحات المجلات في ثوب لا يغطيها
لكنه يؤمن
وبنفس الحمقه
أن من حقها ان تحلم ان تصبح ملكة
ملكه في ايه يا عم الحج الحمش ؟؟ محموق ليه مدام
مفيش مانع انها تلبس مايوه قطعتين جوا المسابقة وامام لجنة التحكيم وفي الحفلات
آآآآآه
محموق أوي عشان دخل اللوبي بتاع الفندق فلقى ملكات الجمال وفتيان الوسامه خلطبيطه
تقريبا حد كان قايله انه هيبقى فيه محرم مع الأموره
مصدوم جدا رغم أنه شايف ان البنت من حقها تتسابق على جمالها وانوثتها والناس الوحشين الشياطين هم اللي أساؤوا استغلالها
مع اني الصوره بتاع بنته كانت نموذج للاتقان الصراحه ولا عارضات الأزياء
يعني محدش كتفها
لأ
وبيستشهد ان عبد الناصر حلق لفتيان الجمال ع الزيرو ووداهم الجيش
دي الرجوله
لكن البنت
وماله
مدام مربيها كويس
خلاص يا عم الكويس يبقا زمايلها يطلعولها الأوضه ميطلعوش تعبان ليه
هيه هتتصرف


مدام التربيه الأخلاقية الصارمه هتحميها لو في قلب آتون
أمال محموق ليه يا بيه ؟
متزعلش
ان شاء الله تفوز المره الجايه يا سيدي الصابرين بخير
... طب يا ريتك كنت قلت انك مؤمن بقلة الحيا
بجد
كنت هحترمك أكتر
مش اكتر يعني أوي بصراحه
بس على الأقل أهو كان هيبقا عندك شيء مؤمن بيه حتى لو كان الشيء ده الغلط في أكمل الصور
ومكنش يبقا فيه لازمه
للردح للاهالي التانيين اللي جايين يتهموا المصريين بالجهل عشان مش فاهمين البعد الثقافي الخطير لفتى مصر وفتاة مصر
يا حلاوه يا ولاد
هم الناس دي منين ؟
مين دول
ومين دوكهم ؟ أكيد أكيد
دول الزمن ده .... دول الجهل
الجهل بكل شيء
الجهل بالدين
الجهل بالأخلاق
الجهل بالأعراف
الجهل بالعلم
الجهل حتى بقلة الأدب
أيوه والله
حتى قلة الادب مش عارفين يعملوها صح
عشان كده بقينا عاملين زي اللي رقصوا على السلم
يا شيخ جاتكو ستين خيبه على خيبه
اللي قالو المسابقة ثقافة
واللي قالوا عليها حلوه ومهمه ولذيذه .. بس التنظيم هو العيب والعيبه

مش قادرين لا دول ولا دول يفهمو ان مسابقات الجمال اللي بتتعمل في أوروربا وامريكا
مسابقات من قلب المجتمع والبيئه
ليها مرجعية
بصرف النظر اذا كنا متفقين مع المرجعية دي واللا لأ
مش مهم
مهياش بتاعتنا بتاعتهم هم وبيعملوها صح
انما احنا لأ
زي اللي بيلومو على اسرائيل انها بتقتل الأبرياء
واسرائيل بتدافع عن اللي دينها وميعادها المزعوم من وجهة نظرها وبتربي ولادها على كده وولادها بيعملو بكده
لكن العيب فينا احنا
عشان احنا بنتكسف ندافع عن الدين اللي لينا ونقول ان احنا بيه وهو فينا
فبنخسر
عشان احنا مش عايزين نؤمن باللي يخلينا نكسب ومنخافش ونقف للي ظالمينا من جوا ومن بره
وبالمثل
المستوردات دي مش بتاعتنا
مش هنعرف نظبطها
عشان احنا مرجعياتنا مختلفة
بالنسبه لأوروبا وامريكا دي ثقافة
عادي يعني
محدش مستغربها ولا مختلف على كيفيتها
لكن بالنسبة لينا دي جزء من الامراض الطفيلية الكتيره اللي بتنخور فينا عشان احنا ببساطة مش عارفين نعمل أي حاجه بجد
من اللي بنعرف نعملها ولايقه علينا
العلم لايق أوي على مصر
الدين اللي بجد _ أيا كان _ لا يق جدا على مصر
قهاوي الشعراء والأدباء والساسه اللي بتطبع عمالقه ورموز لايقه جدا على مصر
نجيب محفوظ واحسان عبد القدوس وأم كلثوم لاقين جدا على مصر
اتحادات الطلبه ومظاهراتهم وجسارة قلوبهم واحلامهم العريضه لايقه جدا على مصر
الرياضة والكورة لايقين جدا على مصر
الصحافه الحره بجد لايقه جدا على مصر
النكته ..... وخفة الدم ...... الطيبة والبساطة والرغيف السخن وحضن الأم
ويا عم سلمها لربك بكره تفرج ....
متيجي تشرب شاي ... واهلا وسهلــ ــمبك
.... ووالغيط والمصنع والرجاله اللي بجد
كل ده لايق أوي على مصر


و ببساطة
كلام أبويا الراجل الصعيدي المخضرم ربنا يديه الصحه يا رب
اللي كان قالهولي زمااااااااااان وانا صغننه فعلا صح
سألته وهو بيحكي عنها وعن زمان مجدها
كنت براها
شايفاها في سور القرآن ونشيد بلادي وصحبة الغرباء
وبس
سألته بكل اعتزاز _ علمهولي _ : يا بابا هيه مصر على كده تقدر تطلع الاولى في كل حاجه ؟؟ صح؟
قاللي : أيوه ... تقدر تطلع الأولى في كل حاجه
إلا البَـــوَظَــــان
بفتح الباء الواو والظاء



هناك 16 تعليقًا:

سلامـــــــــــــه يقول...


عارفه يا رشا
المشكله فين بالظبط؟
طول عمرنا بنجرب في اللي لينا فيه واللي مالناش فيه برضه
ومع ذلك طول عمرنا بنطلع الالفا في كل حاجه
المشكله دلوقتي في اننا بنعمل اللي ماليناش فيه بس
عادي جدا اننا نعمل ملكه جمال مصر
وعادي برضه اننا نتمسخر شويه ونقلد العري اللي كنا زمان بنشوفه في الافلام الاجنبي بس
بس اللي مش عادي ان ده يبقي كل اهتمامنا
مشكلتي اني مش بتابع اللي بيحصل ده
فعلشان كده بتصدم لما بشوف رد الفعل الغريب اللي بيحصل
واسال نفسي هو انا فاتني كتير لما ما اتفرجتش علي ده؟
فيها ايه لما المسابقه تعدي زي ما غيرها عدي
هي ليه بقيت مشكله؟
لاننا رافضين العري اللي بيحصل ده؟
معتقدش
لاننا رافضين حاجات كتيرة ومع ذلك مش بنتكلم عنها
ممكن يكون لاننا عايزين نتكلم في الموضوع ده؟
مش عارف ليه
بس انا عايز بجد اعرف
هي ملكه جمال مصر دي جميله يعني؟
انا فعلا مشفتهاش علشان احكم
بس اكيد جميله
طيب ممكن ترضي تتجوزني مثلا؟؟
اساليها كده يا رشا
يمكن ترضي وابقي انا جوز الست
..................
انا شكلي كده بدأت اهيس
.................
عزيزتي
دمتي بكل ود

زحل الفلكي يقول...

بوست فضفضة اوي اوي اوي

وجميل اوي اوي اوي
احترمك جدا جدا جدا

معلش كلامي بكرره كتير بس ده نتيجة اللي حسيته من البوست
اخيراً لقيت حد مهتم بالقضية دي

اخيراً اتأكدت ان لسه فيه بنات كتير مهتمين بالقضية مش مغيبين فكريا

انا لقيت مدونتك معمولها سيف في الفيفوريت عندي
اكيد اختي هي اللي حطيتها
وسعيد اني جيت النهارده

بجد
نتكلم في مضمون البوست
مسابقة ملك جمال مصر
او مستر ايجيبت
ده في عصر جمال عبد الناصر حلقلهم شعرهم ووداهم الجيش
في عصر عمر ابن الخطاب رضي الله عنه كان فيه واحد كده برضه وسيدنا عمر حلقله شعره فإزداد وسامه فنفاه
محدش يقولي هو ذنبه ايه
مهو لو فضل في المدينه حيفتن البنات فلما يتنفي ده افضل له ولدينه والدنيا زائلة المهم الاخره
فكان قرار صائب

دلوقتي اتفرجي على عز وعلى سلامة وعلى وعلى
والبنات اتفرجي
شايفة فلان لابس ايه وعلان عامل ايه

لحد لما ظهرت المسابقة دي حاكم احنا ناقصين فتنه علشان نبقا رجالة وستات بقا
وطبعاً مسابقة ملكة الجمال دي روخره
والله اعصابي بتتعب لما بفتح التليفزيون والاقيها
بجد
حسبي الله ونعم الوكيل

احنا عاملين زي اللي رقصوا على السلالم
مش عارفين نقلد اي صح
وبنقلد كل غلط

عندكوا باليه مائي
عندنا باليه مائي
عندكوا بنات بترفع اثقال وتلبس مش عارف ايه
عندنا برضه
عندكوا بطلات سباحة بالمايوه
برضه عندنا
عندكوا ايه وحش
حتلاقوا عندنا العن منه
اصلنا بنحب نجتت ونبتكر في الغلط

مش فاكره حكاية الشيشة الرمضانيه برضه والله ايه

ربنا يهدينا وربنا يكرمك يارب ويرزقنا واياكي التقوى ويفوقنا ربنا من اللي احنا فيه ومن اللي بنوقع نفسنا فيه يارب

شكراً لكي
دمتي بكل ود ووداد

غير معرف يقول...

وبعد اللى انت كتباه تقولى بنت عادية جدا، وكمان فى الصعيد
ياستى انت خلتينى خجلان من نفسى ، كنت فاكرها مثقفة ومتنورة ومتعلمة ، طلعت جنبك مفيش حاجة اقل من الصفر ربنا يحميكى استمرى واللى اختارك وشد حيلك شاف فيك علم وبساطة وروح وايمان ووووو لكنه غواص اختار الصدفة بعناية ومتاكد ان فيها الفص اللى بيدور عليه

تليفزيون ملون يقول...

بوست اجمل ما فيه انه تلقائي ...

هو من اكتر الحاجات اللى الواحد اتعجبلها الفترة اللى فاتت هى موضوع مستر ايجيبت ده و طبعا ميس ايجيبت كمان..

لكن ارخم تعليق بصراحة قابلته و هو اللى حسيت انى وشى جاب الوان من سخافته .. و انتفخت من كتر الغيظ ...كان برنامج .. و المذيعين الكويسين بيتكلموا و بيقولوا ان مستر ايجيبت ده يعتبر رمز للشباب المصري بس المشكلة

اننا شعب شركي .. و عاداته و تكاليده هى اللى محسسه الناس ان ده موضوع غريب ...لكن هو موضوع عادي جدا ...و المفروض مستر ايجيت يبدأ يشارك فى اعمال خيرية .. _مش عارف مين خيرية دى ؟_ علشان هو دلوقتى بقى كدوة للشباب المصري .. بصراحة معرفش ايه اللى دخل طنط خيرية فى مستر ايجيبت فى العك ده كله

تحياتي يا استاذه رشا .

معلش مضطر انهى التعليق لحد كده .. :(

Ahmed AL-Hussany يقول...

ابويا ربنا يديه الصحة حكالي زمان انه في شبابه كان معدي جنب قصر الملك فجي الحارس وضربه وطرده لبعيد عارفين ليه
علشان مش لابس بدلة وطربوش وهو بيعدي جنب قصر الملك
قولتله لي التعقيد ده رد عليه في جملة واحدة
عايز الناس تحترمك .... احترم نفسك
تحياتي

•«ρяoιd»•™ يقول...

بصي بقي

انا اساسا مش مقتنع ولا بالمسابقه دي

ولا دي

عشان انا عارف تفاصيل المسابقتين

ده تهريج اساسا

و كوسه و كده يعني

احنا في مصر

بلد الكوسه و نهر الدمعه

تحياتي

BonBona يقول...

علي فكره يا روشا أنا كان عندي واحد أعرفه دخل المسابقة دي .. والله كان زي الفل ومنتهي الأخلاق وبيلعب رياضة وناجح ومتميز جدا في شغله كان كل همه يشتغل موديل.. وفي وسط المسابقة والتمارين أنسحب لأنه أكتشف أنها أي كلام وكوسه وبيكونو مقررين من الأول .. يعني بصراحة هي إشتغالة علشان الشركه المنظمة تلم فلوس من الرعاه الرسميين وكلام من ده .. ياستي ما تشغليش نفسك بالهيافه دي .. المركب بتغرق بتغرق .. وعلشان توصل محتاجة معجزه من ربنا
علي فكره أنا عارفة أبوكي وبحبه واموت في كلامه ربنا يرجعه بألف سلامه

Tamer Nabil يقول...

دى مش مسابقة دى مسخرة وقلة ادب دة راى


يتقال رجعى عادى افضل من يتقال ديوس


تحياتى

e7na يقول...

واحد من شباب المسابقه الامامير قال ان المسابقه ملهاش علاقه بالوسامه وانها قائمه على الثقافه دول حتى سألونا عن عاصمة جوهانسبرج
يافرحتى بيك يا حبيبى
وكم فى مصر من المضحكات ولكنه ضحك كل البكاء

NoHeal يقول...

سوق النخاسة قد بدأ

والخبر أصبح مبتدأ
شكرا للموضوع فقد حكيتي ووفيتي

momken يقول...

اذا الايمان ضاع فلا امان ولا دنيا لمن لم يحى دينه


يابنتى دول الى بتتكلمى عنهم تربيه هاله سرحان وايناس الدغيدى وسلمى الشماع وفاروق حسنى هما دول اهلهم
هما دول الى هيطلع منهم ابطال روايه عماره يعقوبيان مع احترامى للروايه مع انها ما اظهرتش غير الواساخه

اخر كلامى حكمه مش عارف صحبها بتقول دائما يطفو الروث

18goosebumps يقول...

ولله منا عارفه اقولك ايه يا رشا

من قبل المسابقه دى كنت بتفرج على الفضائيه المصريه

ولقيت اعلان فيه بنات كتير ولابسين بكينى وشغل على اعلى مستوى

انا وقفت قدام التلفزيون متنحه واقول ايييه ده دى الفضائيه بتاعتنا هى الناس دى مش كنت بتتكسف

واكتشفت في النهايه
ان ده اعلان حفله انتخاب ملكه جمل سنغافورا
لا وحصريا على الفضائيه

احنا فعلا مش نافعين في البوظان وقله الادب

ببساطه مش لايق علينا

الاسرائيلى الي بيدبح في فلسطين بيعمل كده وهو مؤمن ان دى الحقيقه وهو ده الصح
اتغرس فيه قيم معينه بينفذها بعيدا عن كونها صح ولا غلط

انما احنا بقا عندنا القيم والدين والاخلاق واضح بين مش محتاج بحث واحنا عارفينه ومؤمنين بيه بس مش بنفذه
عايشين بوشين
شيء بق بجد مقرف

ربنا ينجدنا بادينا

غير معرف يقول...

يا رشا ده طبيعي جدا لازم يعملوا مسابقة ملكة جمال امال القدوة الفاسده هاتيجي ازاي امال الهبل والتبلد المطلوبين لينا هاييجوا ازاي وبعدين لازم برضو يبقى فيه ملك جمال للرجالة امال ايه علشان ينسوا انهم رجالة وبعدين يبطلوا يشتغلوا ويفكروا ويتعلموا ويتحرروا لانهم مش رجالة انما هم اسم الله عليهم مخلوقات جميلة مذكرة زي المخلوقات الجميلة المؤنثة يعني الفرق عضوي بحت على اي حال حسبي الله ونعم الوكيل المهم احب اقولك اني قريتلك كتير ومعجب بيكي جدا ولكن دي اول مرة ارد عليكي في مدونتك واللي لقيتها بالصدفة ولازم تعرفي انك مثال ونموذج لاي بنت والراي ده انا ما كونتوش من كتاباتك بس وانما كونته من معرفتي بيكي لاني اعرفك من زمان من ساعة ما كنتي طفلة
نشانا واتربينا مع بعض
ها عرفتيني؟
انا هاريحك
انا محمد اخوكي يا رشا
اخوكي الكبير
في السن بس

غير معرف يقول...

انا مبسوطه اوى بكلامك ده والله ندا من الجيزه

غير معرف يقول...

برده كلام محمد ده كويس جدا

غير معرف يقول...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير