الاثنين، أغسطس ١٨، ٢٠٠٨

ثرثرات _______ لإثبات عدم الصمت

استراحه بقا من الشعر شويه ونرغي في حاجه تانيه تلاقيني صدعتكم :)
مفيش مانع من صداع مفيهوش مزيكا المره دي :)


هل من الهروب أن ترفض أن تتحدث لمجرد ان الحديث قبل أن يريحك حَمْلـُه على بعض قلب آخر _ أو عقل إن وجد _ ؟
هروب ؟
لمجرد أنه سيجرحك حرفا حرفا في رحلته من وجدانك إلى عقلك إلى لسانك إلى مستهدفك من ذلك الآخر ! ستعيش كل ما عانيت في رحلة الفضفضة من لحظاتك ...............العاجزة أحيانا
(الخائبة ) أحيانا
المرهقة أحيانا ؟
هل هذا هو الهروب ؟ ام أنه المقدرة على التحمل ؟
وإذا كانت الأخيرة .... فإلى أين هذه المقدرة حين يصبح السرد قاسيا جداً عليك ؟
لعله ضعف إذن ؟
شجاعة ؟
كلها إجابات غير منطقية !
لست أدري
و يحيرني هذا الأمر كثيرا لأنه تعدى تصوري من موقف ظننته غير ملاحَظ ، إلى علامة مميزة ، فوجئت بها معلومة عند الجميع مؤكدة من كل دوائري القريبة
ولم أكن أعلم أني صموت
ربما وحتى عن البكاء _ إلا قليلا _ !
رغم أني أتحدث !!
...............................!
نعم ...
حين أكون مرتاحة ..... أو سعيدة إن جاز التعبير ، أو على الأقل في حالة حميده مستقرة من الحياة

وقد اتحدث
كثيراً
وأنا في قلب المشكلة ، في أي شيء إلا المشكلة !
فإن تفاقمت ، فبعيدة بقدر الإمكان حتى أعود لوجهي وابتسامتي وثقتي ( والدنيا ماشيه بردو عادي )

وثرثارة
حين أحب من أحدثه أو أحب ما أتحدث فيه
سواء قلته
أو كتبته ( مش ده العادي ؟ )

وأكتشف الآن ان ما هو غير العادي .....أن يكون الصمت ملاذا مريحا
حسنا
هذه نقطة قريبة
يكون أكثر راحة بالفعل
وخاصة إذا كان الطرف الآخر يريد التفاصيل
أو يصدر أحكاما انطباعية مسبقة
أو يسعى للتهدئة لمجرد التهدئة
أو يخطئ فهم الأمر برمته ومن أول السطر،و من زاوية تتجاوز سوء الفهم إلى استحالته !
أو أني سأصيبه بشيء من الألم لأجلي مصحوبة بالعجز عن المساعدة في شراكة غير منصفة !
ثم ماذا ؟ المحصلة لا شيء !
إذا ما العيب في الصمت ؟

قالت لي صديقتي : العيب في صمتك هو اعتيادك له ثم اعتياد الآخرين عليه !


كلامها منطقي
ولكن أعود رغم منطقيته لسؤال نفسي : أليس من العبث أن نتحدث إلى لا شيء ؟
المحصلة لاشيء !!!
وفي النهاية سيأتي الحل وستنتهي المشكلة !


عادت صديقتي لتقول : وهل تنتهي كل المشكلات ونحن بمفردنا ؟ هذا محال ؟ فهذا يعني أنك بمفردك تقدرين على حل أي مشكلة !

كلا بالطبع يا صديقتي.
ولكن لكل مشكلة منطقة حل وليس بالضرورة ان تكون هذه المنطقة لكِ أنتِ _ مثلاً _ لمجرد انك صديقتي !

صدمتها،،،،،،،لا يضحكني شيء قدر نظرتها الثائرة علي
جميلة هي

أما أنا
فالكثير مما كنت أعرفه عن نفسي صار مجرد ملامح لا تعبر بالضرورة عن الحقيقة
ولا تخالفها ......
هادئة ..... او
أو صامتة كما يريح صديقتي أن أقول

والكثير مما صرت اعرفه عن نفسي يرضيني
ممممممم يمتعني بعطاياه أحيانا ( مقدرش انكر ) !
ويقلقني بعض الشيء في ذات الوقت
ولكنني لا أملك تغييره
ولست موقنة أنه الأمثل
لكني موقنة أن تغييره صار صعبا بالفعل
ربما لأن مبادئه كانت موجودة منذ طفولتي في حرصي غير المرتب لَهُ أن اكون من وقت لآخر بمفردي ( مع نفسي كده وخلاص )
وربما لأني فقدت أنبل صديق ، ذلك الحبيب الذي شرفني باسمه وعلمني كل شيء إلا الحياة بعد غياب صداقته !

وربما ليقيني المكتسب أن ما من مشكلة إلا وسنحيا فيها ثم ستزول لنحيا بعدها بشكل أو بآخر !

ليس هذا تفاؤلا حتى لا تنخدعوا
لكنها منطقية
وتجربة
.....

وربما لقناعتي الأزلية ( إن كل واحد فيه اللي مكفيه )
بل وربما لأن مجال عملي لا يخلو يوميا من قدر مكثف من الكلام الذي يعتمد في الأساس على المشكلة والحل !

وربما لأنني لم أحصل حتى الآن على سبب ممكن لأغير واقعا غير مضر

في حين أني في الماضي حصلت على الكثير من الأسباب لأكون الواقع الحالي :)


صديقتي تقول : إحذري.... فبالتدريج سيصيب الجميع قناعة أنكِ دوما تقدرين ، حتى إذا جاء يوم وعجزتِ ، لم يصدقوا احتياجك !
صادقة هي
و

( عفريتة البنت دي والله )


فهي تعلم أنني يومها
ربما سأتحدث إليها .... كما الآن !

وربما سأجد أسبابا أكثر منطقية ..... لصمتي


ملاحظة :
حين قرأ بعض الزملاء هذه الثرثرات سألني أحدهم : " هو إنتي ممكن تعرفيني على صحبتك دي ؟ "

هناك ٣٥ تعليقًا:

أحمد سلامــة يقول...

اولا انا لو عندي صديقة زي صديقتك دي مكنتش هشل هم اي مشكلة
وهسحب كلمة ان مشكلتي بالنسه لي غير بالنسبة لغيري وبالتالي حلولها غير حلوله
بس انا معاها في كلام كتير جدا واوله اعتيادك على صمتك
سيبك من اعتياد الناس عليه
المشكلة في اعتيادك انتي عليه مش الناس
ونظرية الانسان الهيرو او السوبر مان غير منطقية ولا احد كامل
ولا احد ينتظر عكس ده
واللي هيفهم عكس كده دي مشكلته اكيد
حتى لو كنت انا اللي فاهم غلط
:)

غير معرف يقول...

ازيك يا رشا
انتى فعلا بتثبتى عدم الصمت بس بتحلية الصمت
الصمت مش من علامات القوة زى مانتى فاكرة ممكن أوى يكون من علامات الضعف
بيعلم الانسان ازاى يتالم لوحده من غير ماحد يحس بيه
بيتعود على كتم حالته النفسية لانه فى بعض الاحيان وماحدش يعرف انه عنده مشكله ممكن يكون مضطر للضحك واظهار السعادة لحد ماياخد على كده لحد مافعلا مايعرفش ان كان سعيد ولا لأ حتى لو ماعندهوش مشكله وحتى لو فعلا المفروض يكون سعيد
سيبى مشاعرك تحركك ولو أحيانا سيبى البكاء لو كنتى محتاجاله
احنا بنحتاج كتير اننا نكون أطفال ونلاقى حد يطبطب علينا قبل مالناس ياخدوا الثقه فينا ولما نحتاجلهم منلاقيهمش
وعموما احنا لما بنحكى حاجه مضايقانا بسرعة لسة مابتكونش اتكونت فى الوجدان بصورة كبيرة وما بنتجرحش كتير لما نقول أما لما نستنى بتبقى فعلا دى المشكلة
خلى الطفلة اللى جواكى تعيش ولو أحيانا
معلش طولت

goodman يقول...

اى شىء مقبول لأثبات عدم الصمت
ثرثرة جميلة
وتجيب صداع

خالد كامل يقول...

هو انا ازاى معلقتش عن حضرتك لحد دلوقت ؟؟ ...
مش عارف انا تقريباً اتزاولت
المهم
انا كنت فى حفلة التوقيع ... و قريت الشعر بتاع حضرتك هناك
و سألت ناس علشان يدلونى عليكى و أخذ توقيعت ... معرفتش أوصل
عامة الشعر بتاع حضرتك خرافة ... و ده مش رأيى لوحدى ... و شدنى انىاقراه كله رغم انى مش مهتم أصلاً بالشعر
تحياتى

Ehab Emaddin يقول...

طيب!

ممكن يكون شيء تاني غير الصمت
اصل كلمة الصمت ده عامل زي كلمة التكشيرة

الوش بتاع الحلة
اصل التكشيرة ممكن تكون وراها غضب .. و يمكن يكون وراها حزن .. او احباط .. او او او الخ

هو الصمت كده !
ممكن تحسبيه قوة! ممكن يكون ضعف ؟

وش الحلة بيغطي كتير من محتوى الحلة!

غير معرف يقول...

سلامات يا رشا

!!! عارفة ... مش عارف ليه يقول...

كل عام وأنتم بخير

اللهم تقبل منا صيامنا وقيامنا وركوعنا وسجودنا

رمضان كريم
وليد

غير معرف يقول...

انا شايفه ان اسلوبك في التعامل مع المشاكل هو عين العقل لان الفضفضه غالبا تزيد من حجم المشكله وتجعلها تتضخم ولكن التوقف عن الكلام في اي موضوع يجعله يموت بالتدريج وياسلام لو اقدر اعمل زيك وزمان قالوا اضعف الناس من عجز عن كتمان سره مش كده ولا ايه فايزه

رشا عبد الرازق يقول...

السلام عليكم
ومعادش فيه نت في البيت خلاص يا جدعاااااااان
جبت آخري مع الشركة ونهينا كل اللي بينا
والحمد لله كان فاضل شعره على أعاصابي وتتحرق
وحتى فرج الله يتكرر الغياب فسامحونا على التأخير

كل عام وانتم جميعا بألف خير
كل المدوننين
وكل المسلمين
بهدية ربنا الكريمة لينا كلنا
اللهم سلمنا إلى رمضان
وسلم رمضان لنا
وتسلمه منا متقبلا يا أرحم الراحمين :)

رشا عبد الرازق يقول...

أحمد سلامه
أخي الجميل جدا
والله انت كنت تاني حد يسألني عن صديقتي دي
وانا فعلا بحمدج ربنا عليها
بقدر ما بتكون مزعجه بتصريحاتها ساعات
بقدر ما بكون ممتنة لصراحتها أغلب الأوقات


مفيش حد هيرو
وبالذات أنا

واعتيادي مشكلة لأنه التعود السلمي هو الادمان الغير مميت وبالتالي فالاقلاع عنه صعب جدا
قد لا يحدث إلا اضطرارا

ومن يدري ربما _ وهذا ما لا اتمنى _ ان أتغير ذات وحشة ولا اكتفي بزحام صديقتي :)

رشا عبد الرازق يقول...

محمود محمود
مليون سلامات
شوف
كلامك بيمس الوجدان حقيقي
بس الحقيقة ان الصمت في نظري مش تشبث بقوة أو افتراض ده حتى
ممممممممم هو رد فعل بدأ في أزمة كان ليها أبعاد عندي غير اللي عند الناس
وكانت بتتفاقم جوايا بعدم الادراك د
ه
ممكن كنت انا اللي حساسة وقتها
بس المحصلة كانت نوع من الغربلة
ايوه
كأني ماسكه غربال
يختار أحكي امتى وأحكي لمين وأحكي ايه
واللي بحكيله ظروفه ايه وصلته بيه هتوجعه مع وجعي واللا لأ وبالتالي هيفيدني اللا هأذيه
رد فعل
بس أصبح سلوك مريح ..... مممم غالبا يعني
ولا انكر أنه مخيف حين أفكر فيه بطريقتك
لكنه غير مضر في العموم ..... وغير مخيف دائما
أنا لا أتكلم عن تشبث برأي
ولكن أتكلم عن عدم وجود أسباب ملحة لتغييره
وخاصة ان التغيير صار صعبا
علي
وعلى الآخرين !
حتى لو ان هذا حق الطفلة
ولكن
خد الملاحظة دي وهي تعني الكثير


على مدار 30 سنه كان شعور الطفلة مرتبطا بوجود أبي رحمة الله عليه
رحل هو
فكبر وجدان الطفلة حتى بينها وبين نفسها
..... وقدر يأتي الغير بجديد !

:)

رشا عبد الرازق يقول...

goodman

سلامتك من الصداع يا أفندم


اثبت بقا يا مدون

أهو واحد اهو صدع عشان محدش يلوم عليه بقا في الصمت
:)
منورني مرورك

كل سنه وانت طيب

رشا عبد الرازق يقول...

مهيج الجماهير

اجابة سؤ الك هو سوء حظي أكيد
ربنا يكرمك
وعلى فكرة
انا وصلني سؤالك انت تحديدا عني في الحفلة :)
اللي ربنا عالم اني تمنيت وحاولت جدا حضورها
بس الشغل ربنا يسامحه وكالعادة سلبني أبسط حقوق متعتي في آخر لحظة
وأد كده سعيدة بنجاح الحفلة وبرأيك في النص اللي شرفت بالمشاركة بيه في تجربة اتمنى استمرار نجاحها في كل الأعداد القادمة
وأتمنى على الله ان يكون قلمي على هذا المستوى من الرضا يا رب

تقبل وافر امتناني وشكري على كرمك وانت نورتني :)

رشا عبد الرازق يقول...

مورسيس ؟
مورسيس بتاعنا واللا حد تاني ؟
لازم تقولي على فكرة
اهلا بيك بصرف النظر عن الاجابة :)

بس لازم بردو تجاوبني ماشي ؟


عارف
تشبيهك فعلا خطير
وهو فعلا كده وجدا جدا كمان
تحياتي لك

:) وسلامات

رشا عبد الرازق يقول...

وليد
اللهم آمين
كل عام وانت والجميع بألف خير وسعادة ورضا وفرج وفرح وقبول من الله عز وجل
اللهم بلغنا جميعا ليلة القدر واجعلنا من الفائزين

آمين

:) شكرا لك

رشا عبد الرازق يقول...

أخيراااااااااااااااااا حد مؤيد

فايزة
أشكرك على رأيك وتشريفك المدونة
بس هو الفضفضة غير افشاء السر
وبالتالي مش بالضرورة تكون ضعف
مقدرش أقول كده
ويمكن أسلوب الصمت
أو تحجيم الفضفضة في اطار الحل يكون أسلوب معتاد ومكتسب
مريح لحد ومش مريح لحد تاني
الهدف هو السلام النفسي أيا ما كان
أو لنقل
بقدر الامكان

شكرا جدا لك :) ويسعدني تواصلك

كراكيب عادل يقول...

كل سنة وانتي طيبة

اية الغياب دة كلة والله قلقان عليك

لعل المانع خير

Mohamed يقول...

معادلات متعدده

الصمت=خوف
الصمت=حكمه

البوح=ثرثره
البوح=شجاعه

مناجاة ربك
او البوح لنفسك اجمل
ماينفس كربتك


خالص الود
محمد

غير معرف يقول...

رفقاء الحرف
سراب
لينا عبود
جوتيار تمر
مقبولة عبد الحليم
لميس الامام
نورا
الصابر ايوب
د أسماء علي
نور
جاسرة مصريه
وجع القلوب
ايمن خطاب
قيثاره
رشا عبد الرازق
اسماء عايد
الفنار
واخرين..............

كل عام وانتم بالف خير

دعوه قد تجد لدي البعض صدى وقد لا يعيرها البعض اى أهتمام
لكني وجدت ان واجبي تجاه من احبهم واعتز بهم أن اوجهها لهم مع رغبتي بأن يبلغ الذين اختصصتهم هنا بدعوتي من يهمهم الامر من اصدقائهم ايضا
الدعوه هي لانشاء دارا للنشر تقوم بنشر اعمال الاعضاء في المقام الاول ومن ثم اعمال باق الموهوبين الفكره جنوينه بعض الشئ لكنها وبعد ان قمت بدراستها ممكنه
ادعو الجميع لتقديم افكاره وورغبته في المشاركه
عن نفسي فأنا قد اتكفل ب 50 % من اجمالي تكليف انشاء تلك الدار والباقي يوزع علي الاعضاء كل علي حسب قدرته كاسهم في مشاركه هدفها الاول نشر ابداعاتنا
الدار في تصوري ستكون في البداية قائمة علي مكتب صغير يضم مسؤل عن النشر والتصاريخ والتراخيص اللازمه ومدقق نحوي ولغوي ورسام لتصميم غلاف الكتاب
ربما معاناتي مع الناشرين خلال اصدار كتابي الثالث هو ما دفعني غلي تلك الفكره والتي وددت ان يشاركني فيها كل احبائي
ومن خلال المشاركين ستتكون لجنة لعرض الاعمال عليها وتقرير اولويه وضوابط النشر

هذه افكار وعناوين رئيسيه انتظر منكم التفاعل المناقشه اذا اعجبت احد الفكره ومن لم تعجبه او تروقه فلا داعي ان يشعر بالحرج فهذه مجرد فكره اقصد من ورائها الخير للجميع

خالص مودتي وفي انتظار ردودكم

اشرف نبوي

shabfa2re يقول...

beeeep beeeep
happy eiiiiiid

7adota يقول...

انتى فين يارشا من زماااااااان

وحشتيننا

تعالى بقي

Mina يقول...

ليكي عندي تاج
الحقيه قبل مايحمض

رشا عبد الرازق يقول...

عادل
ازيك
أظن كده اطمنت
أما عن الغياب فالسبب بمنتهى البساطة اختفاء النت من البيت وكراهيتي لجلسة السايبرات التي أعيشها في هذه اللحظة
وأما بعد .... عن الغياب أيضا ....... فلدي الكثير
لأحكيه
وأبكيه
وأضحكه
وأشكيه
اشتقت لكم وللمدونة ولقلمي
كثيرا

شكرا عادل وكل عام وانت بخير:)

رشا عبد الرازق يقول...

أوجزت يا محمد
وهذا كل شيء
ولكل معادلة من يؤمنون بها فيرون صمتي من خلالها
ولقد صدقت
معه وحده ما ينفس الكرب ويوجد الحلول ولعل هذا ما يرادف الصمت عندي في كثير من الأحيان وبعد كثير من التجارب :) أهلا بك :)

رشا عبد الرازق يقول...

السيف !!!!!!!!!! مرة واحده ؟ في مدونتي ؟ سلالمات يا أستاذنا ؟ !!!!!!
بجد أسعدني جدا مرورك بداري المتواضع
يا رب يا رب تكون ديما بألف خير
ويكفيني أن أعلم أنك تعتبين من رفقاء الدرب يا أخي العزيز
:) أتمنى أن أحظى بشرف مراسلتك على ايميلك الجديد اللي معرفوش طبعا للرد على طرحك بشيء من التفصيل عشان الرقابة النفسية :)
تحياتي سيف :)

رشا عبد الرازق يقول...

شاب فقر

كل سنه وانت بألف خير

متشكرة خالص :)

رشا عبد الرازق يقول...

تحت النظر يا حدوته
حاليا في سايبر الحقيقه
وعموما
في المنيا والقاهرة وسوهاج واسيوط وقريبا في اسوان ! أي محطة على خط تلاقيني فيها !


كلكم وحشتوني ربنا يخليكي :)

رشا عبد الرازق يقول...

منامينو :)
اهلا بيك
انا سبق وجاني تاج بس كان غير ده
الاسئلة طبعا كانت غير
كانت اسهل بصراحه :)
بس عموما
انا اتشرفت طبعا
وان شاء الله هاخد الاسئلة وارجعلك بالاجابة السايبر الجاي
:)

غير معرف يقول...

ازيك يارشا
فينك من زمن
انا الحقيقة النهارده مش داخل المدونه عشان اعلق على موضوع لانى سبق وكتبت تعليقى انا دخلت مدونات كتير النهاردة لانى حاسس انى هاودعهم قريب لانى قررت أنط من على السور .. فاكرين سور المدرسة ؟ دا عملوه عشان يتنط لان الحياه برة كانت دايما بتبقى أجمل بس المرادى الحياه جوه السور هى الاجمل ومع ذلك هاخرج بره السور واتسجن بسور تانى مش ممكن حد يقدر ينطه ووعدت الناس اللى بيحبونى انى هارجع تانى فى اليوم الجديد قلتلهم راجع بكرة وأنا فى الحقيقه مش راجع تانى ومش عارف أقولهم ازاى كانت هاتصعب عليا نفسى أوى وانا بقولهم لانى ماقدرش أودعهم وكان صعب عليا الاعتراف بانى أقدر أودع عمر كامل ومش قادر أسكت فحبيت أتكلم مع ناس مايعرفونيش يمكن حد فيهم يدعيلى انى أقدر أكمل حياتى جوه السور الجديد واتحمل بعد الناس عنى
ومش عارف الذكريات هاتصبرنى ولا دايما هاتقف بينى وبين احساسى بحياه جديدة؟ واخترت المدونه دى بالذات لان عنوانها هو المناسب لحالتى
معلش ضيف تقيل شوية بس دى أخر مرة أقرفكوا فيها أو يمكن مرة أو اتنين كمان وبس
بلغوا سلامى للاحباب لانى حتى مش قادر أسلم عليهم

رشا عبد الرازق يقول...

محمود محمود
سبحان الله
أنا عمري ما عملتها ودخلت سايبر يومين ورا بعض بس حظك اني داخله ابعت ايميلات شغل مهمه
والمهم
محمود
أو أيا من كنت
بعترف أني مفهمتش تعليقك ده أوي
بس حسيته تعليق فيه رجفة وقلق ومزيد من الغموض اللي أساسا مرتبط باسم معرفش غير انه صديق دائم لمدونتي
لكن انا سعيدة ان الكلام ده _ أيا ما كان حقيقة اللي وراه _ وهو كلام صادق وجواني اوي كده
يكون نازف في المدونة هنا
وفي كل الأحوال
فالسجون والأسوار والتحرر من الأولى والقفز بأي اتجاه من على الثانية هو جزء من أقدار لا تخلو من اختياراتنا التي يجب بعضها علينا ونريد نحن البعض الآخر بكامل ارادتنا
وعليه
فاذهب إلا غدك ولا تقلق وتتطير لما بعده لأنك تختار والقدر يختار لك ومعك
وهذا الشق الثاني قد يفاجئك من حيث لا تدري

ودوما

:) كن بخير

romansy يقول...

جميله قوى خوفك على صاحبتك واهتمامك بيها
يارب دايما كده يديم الصداقه والمحبه بينكم

غير معرف يقول...

شكرا رشا

غير معرف يقول...

كيف حالك اختنا الكريمه

الميل بتاعي زي ما هو
alssaf7@hotmail.com

doaaaa@yahoo.com

صدرت مجموعتي عن دار اكتب ( السماء تلامس البحر)

لو صادفتها ارجو ترسلي لي رأيك فيها

مع انتظار تواصلك

اشرف نبوي

السيف يقول...

كيف حالك اختنا الكريمه

الميل بتاعي زي ما هو
alssaf7@hotmail.com

doaaaa@yahoo.com

صدرت مجموعتي عن دار اكتب ( السماء تلامس البحر)

لو صادفتها ارجو ترسلي لي رأيك فيها

مع انتظار تواصلك

اشرف نبوي

مجدى الجبالى يقول...

عملت مدونة جديدة و فكرتها ممتازة أكيد هتعجبك
http://sahetneqash.blogspot.com
لذا أنتظر مشاركتك فيها بأحد مواضيعك المميزة