الأحد، أبريل 05، 2009

ومِـسـيـري يــوم

ومِسيري يوم أجري لعنيك وتجيني قبل ما أكملـَّك
ومسيري لما أنويك كلام
يرضى اللسان
واتكلمَك
ومِسيري أطويك صفحتين
بينهم زمان اللي انتهى
لما ابتداكْ من أوّلـَك
ومسيرَك انتَ تِحنـَّلي
ترفع عنيك على مشربية بلون عنيَّة تُبصلي
وتقولي :"يا اللاَّ.... هتنزِلي "
وان قلت "امتى؟ " هسيب عنيك
تستنى تحت و أبُصلـَك !
ومسيري يوم أحدف عليك
من ضيْ نـِنْ العين مَطر
وأتملَّى فيك لما تلاقيه
على أرض بتساع الخطر
تطرحني قلب كبير
يطير
مطرح ما ترسي يدُقـّلـَك !
ومِسيري أرتاح من سكاتي في كل قسوة شوق اليك
وانزل على رفة وجع
تعرفها لما بغير عليك
تحلف
أصدق
كل مرة
وكل مرة أكدبـَك
ومسيري أضعف فوق كتاف الحب واتنهد أوي
ده انا ياما جوايا ادَّاريت وداريت على الناس بالأوي
وسمعتهم ... وسكت ليك
ده ان كان جليد
هيرقلـَك
ومسيرك انت تكون شقاوتي
وضحكتي
وأجمل سؤال
يسأل لسانك أنكسف
وعنيك تملِّـيني الدلال
أغلط ...
تتوه ...
تزعل ...
أتوه
ومسيري يوم هتعلمَك !













هناك 24 تعليقًا:

نغوم الليل يقول...

المدونة جميلة واسعدتنى معرفتك وأرجو المزيد

نعكشة يقول...

:)
صافية قوي
مش عرفة ليه حست بالصفاء اللي مش عارفة تعريفه او معناه المطلق بس انا حسيت بكدة مش عارفة ليه

ساعات كدة لما تقري حاجة متحسيش غير بابتسامة تترسم على وشك و احساس داخلي بالصفاء

بس

سلام عليكِ

غير معرف يقول...

تحفة!
منذ فترة طويلة لم أقرأ زجلا بهذه العبقرية.. حركتني فعلا.
تحياتي

ريحانة يقول...

تحفة
تحفة اكبر كتير من اى تعليق

:)

sara rabie يقول...

رشا

اقولك ايه بس..دخلتى جوا جوا خاااالص
وطلعتى كل البلاوي

ومسيرى اجى هنا تانى واقولك
:)))

وحشتينى

لجين أبو الدهب يقول...

رائعة يارشا كعادتك ..

يسلم قلمك المبدع اللى بيمتعنا ..

دمتِ بخير ..

عاشقه الاقصى يقول...

رااااااااااائعه

بجد دومت مبدعه

el7osiny3 يقول...

مجهود رائع

http://www.tay4tech.com
http://www.mezatech.com
http://www.e-comegypt.com
http://www.arabinter.net

Dr.H.A.M.S. يقول...

بجد مش عارف اقول ايه
انا اتعودت ان لما حاجة تعجبني لازم اسيب رأيي
لكن بجد دي فوق الوصف
انا مش عارف انا ليه معرفنكيش قبل كدة
انتي اختراع بجد
ربنا يحرسك و ارجوكي من قلبي
دومي مبدعة

Moonystar يقول...

رائعة يا رشا

عندك حاجة لوحدك كدة انك بتعرفي تمزجي تبيني الانوثة بمنتهى متسألنيش ازاي

وبتعرف تكتبي حاجة عميقة جدا بس بشكل بسيط .. متهيألي دي مفهومة شوية :]

دمتِ بخير

محمد اخوكي يقول...

الحقيقة يا رشا رغم اني كتير باعلق على كتاباتك انما دي بالذات هي القصيده الوحيدة اللي ما قدرتش استنى بعد قرائتها واتصلت بيكي فورا وقولتلك على رايي فيها , وهي برضو القصيدة الوحيدة ليكي اللي طبعتها علشان اخليها معايا في السيارة واقراها كل شوية
سر جمال القصيدة دي انها فيها كتير منك :رقيقة,جميلة,راقيه,جريئه,محترمه
اختي الحبيبه
دائما الى الامام
من ابداع لابداع
ربنا يوفقك

el7osiny3 يقول...

مجهود رائع

http://www.tay4tech.com
http://www.tay4tech.com/faq.php
http://www.tay4tech.com/adv.htm
http://www.tay4tech.com/offer_emarkting.htm
http://www.tay4tech.com/photo.php
http://www.tay4tech.com/offer1.htm
http://www.tay4tech.com/dsiprice.php
http://www.tay4tech.com/logo.php
http://www.tay4tech.com/offer.htm
http://www.tay4tech.com/products.htm
http://www.tay4tech.com/ecommerce.php
http://www.tay4tech.com/offer3.htm
http://www.tay4tech.com/e-marketing2.php
http://www.tay4tech.com/sarver.php
http://www.tay4tech.com/job.php
http://www.tay4tech.com/clients.php
http://www.tay4tech.com/ourgoals.php
http://www.tay4tech.com/reseller.htm
http://www.tay4tech.com/contactus.php
http://www.tay4tech.com/emarketing.php
http://www.tay4tech.com/media.php
http://www.tay4tech.com/sitemap.php
http://www.tay4tech.com/paymethods.php
http://www.tay4tech.com/partener.php
http://www.tay4tech.com/aboutus.php
http://www.tay4tech.com/offer2.htm
http://www.tay4tech.com/dtapp.php
http://www.tay4tech.com/e-mail.php
http://www.tay4tech.com/counterframe.php
http://www.tay4tech.com/oursrvices.php
http://www.tay4tech.com/webapp.php
http://www.tay4tech.com/seo.php
http://www.tay4tech.com/swf/ebn2.swf
http://www.tay4tech.com/swf/e3lan1.swf
http://www.tay4tech.com/website.php

A.A.S يقول...

جميله اوي يا رشا ماشاء الله
هاديه ورقيقه وبسيطه

الادباتيه مفتقداكي :(

ضحى عفيفي يقول...

ومسيري يوم هتعلمَك !

رائعة كعهدنا بكِ دومًا يا رشا..

طير يقول...

أقر وأعترف أنك وصلت لقاموسك الخاص والطبقة المناسبة من العامية
"استويتى على نار هادية"
إلى الأمام دوما.

على فكرة أنت نعمة كبيرة قوى قوى لكل البنات

ممكن أرد على نعكشة...
صافية قوى لأن رشا بنت أخر الفرسان

Mohamed Anwar يقول...

thank you - شكرا
http://24all.blogspot.com http://pc4all2all.blogspot.com

mahmoud يقول...
أزال أحد مشرفي المدونة هذا التعليق.
medolegend يقول...

احساس عالى وكلام جميل شكرا ليكى

إبـراهيم ... معـايــا يقول...

حلوة قووووي قووووي يا رشـــا


بس حاسس إن عنوانها كان لازم يبقى حاجة تانية غير الكلمة اللي بتتكرر دي

سمية قهوة ؛آه ياني يقول...

كلماتك حلوة جدا ما شاء الله
سعدت بتصفح مدونتك

رشا عبد الرازق يقول...

نغوم الليل

شكرا لرأيك ووجودك والسعادة لي عزيزتي
لك تقديري

**************

احساسك أهم من سببه وأبقى عندي كتير يا نعكشة
جعل الله بسمتك رفقتك وصفاءك في قلبك
تحياتي

رشا عبد الرازق يقول...

غير معرف
شكرا لك .... وأهلا بك


************

ريحانه
وجودك يسعدني ومتابعتك تحرجني بعد كل غياب أعود فيه وأجدك في استقبالي بهذا التشجيع
دمت لي
:)

رشا عبد الرازق يقول...

والله يا ساره انا نفسي أنا أدخل جوا جوا جواكي وأشوف النبع اللي مش بيخلص ود واحساس وأمل ده
ربنا يخليكي ليه
وتيجي علطوووووووووووووووووول

:)





****************


سلمت لجين ودام ودك لي
تقبلي فائق تقديري يا غالية

:)

Mohammad Bahlool يقول...

ومسيري أضعف فوق كتاف الحب واتنهد أوي
ده انا ياما جوايا ادَّاريت وداريت على الناس بالأوي
ـــــــــــــــــ

سعيد جدا بتواجدي هنا