الخميس، فبراير ٠٤، ٢٠١٠

مــش قــُلــْـتِــلَــك

مش قلتــِلـَك
مترفعنيش
لأعلى من السما السابعة
انا قلبي سكن ع الأرض من آخر مــِتين وقعه
يا ريتك خــُنتني أسهل
خيانة قلب / لحظة طيش....
بتنداس لــجل ما نكمل
وفوق كفي تتوب مره .... ونبدأ تاني م الأول
لكن أبعد تقربني ؟
وأقرب ... فجأة تبعدني !!
كلام ساكن في رمش عنيك سرقني وراح مدوّبني
رهان على قلب كان حيران
كسبتُه .... خسرتُــه .... ايه يعني ؟ !!
وامتى الحب كان يعني في عز الحر صفصافه ؟
واذا كان الكلام باعني (عنيكي لقلبي متشافه...
أنا وعدك يا هربانه بسنين عمري .... وخوافه )
يا ريتني فضلت خوافه
من الماضي
من الحاضر
من الموعود بمستقبل
أنا صدقت قلبك ليه ده طول الحلم كان أجمل ؟
..... يا صبر الطيبين قلبي وقع ع الأرض واتكسر
حروف الإسورة جرحتني .... طرطش دمي واتبخر
هرب من قلبي طيب ليه هِرِب على قلبي متأخر
ومش قادرة أقول خايفة
عشان مرضيش يطمني
ومش قادرة أقول عارفه
عشان عارفه انه فاهمني
ومش قادرة أترمي على كتفه .... وأتمناه يحايلني ...
ولا هنساه ....
ولو عايز هينساني
واجمل ضعف عشته معاه ....
سجني .... ورد سجاني !
يا آهة اتعلمت بالقوة امتى تموت على لساني
فمقدرتش.....
فمقدرتش في آخر لحظة أبص ف قلبه من تاني
وغمض عيـــنُــه ...
راح لبعيد ...
عشان ميشوفش أحزاني
وفاكر اني معرفتوش
وفاكر اني ما معرفتش لمين رايح ولا شفتوش
هتبعد ؟
قولي رايح فين ؟
دواير توهة واللا خدوش !!
نهاية لمتك لجروح ... تعيش مخلص تموت مغشوش
ويا ما وياما _ لو لفيت _هتلقى المخلصين فــِ وشوش
ومن جوا الورق فاضي ....
بتقرا ازاي.... حبيبي رتوش ....!
بتتهجى الوجع ...... حاسب ...
لو أَبــْعــِد
يبقا مين هيحوش ؟

هناك ١٦ تعليقًا:

محمد اخوكي يقول...

جميل اني افتح عنيا الصبح على جمال ورقي واحساس بالشكل ده!!!
مش قلتلك؟
مش قلتلك ان أي حاجة بتكتبيها بتكون زيك ؟
رائعة!!!!!!!!!
الى الامام دائما
ربنا يوفقك

محمد عبد الرازق

وجه ملائكى يقول...

اكثر من رائعة ،وكلماتك رقيقة جدا مثلك تماماوعندما قرأتها كادت عينى تزرف بالدمع لانها عبرت بما اشعر به ايضا.....(ارجو منك ان تزورى مدونتى وابداء رأيك فيها لان رأيك يهمنى جدا)....
babyface1991.blogspot.com

Unknown يقول...
أزال المؤلف هذا التعليق.
Guevara يقول...

مشكلة الألم انة يحيني في الصباح واخر شي يتركني في الليل

غير معرف يقول...

مصـــــر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع .

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

ارجو من كل من يقراء هذا ان يزور مقالات ثقافة الهزيمة بالرابط التالى:

www.ouregypt.us

بنت الماضي يقول...

رشا...لتاني مره بجد ربنا يسامحك في كلامك ده...
لتاني مره يوجني...
الظاهر مكتوب عليا قابلل للكسر :))
كلامك حقيقي اوي

laila يقول...

ماشاء الله عليكى جمييييييلة، تعبيرك رائع وكلماتك سهلة وصادقة ومايخرج من القلب فما أسهل طريقه للقلوب ، ربنا يوفقك .

ليلى ،مدونة نادى الدنيا

السينيور يقول...

مش عارف ليه الكلام ده ممكن ينطبق على اي حد بجد
ممكن يلمس اي حد من جوه ويحس انه مكتوب له
تحيتي لقلمك الجميل

محمد اخوكي يقول...

اختي الحبيبي
ده عنوان مدونتي الجديدة
مدونة دماغي انا
اتمنى تنوريها
http://demaghiana.blogspot.com/
محمدعبد الرازق

عادل ابو عبا يقول...

صدفة باتعمدها دايما
اني افتش في الكلام
والتقيتك بالمصادفه
وسط مملكة الحطام
واما مريت بين حروفك
شفت خوفك ... شفت شوفك
شفت توهة وشفت رؤية
وشفت صدقك في الكلام
قلت اوقع قبل ما امشي
واشكرك وارمي السلام

عادل ابو عبا

غير معرف يقول...

جميل قوى وكنت فاكرة انه لمسنى انا بس اكتشفت انه بيلمس كل الى بيقراه لانه لازم يتحس ربنا يوفقك

عزت فرحات يقول...

بامانة كلام جميل و اتحدى اكبر كاتب انه يكتب زيك

Samar يقول...

للستات بس
تابعوا مدونتي الجديدة للطبيخ و وصفات الأكل الاستثنائية فقط

ro2a ro2ro2 يقول...

برنسيسة

ALLELIO- موطنـــــــــــــــــــــــــــى(ma patrie) يقول...

رائعة يارشا

طمنينى عليكى يابنتى

محمد فؤاد يقول...

رشا روعه فوق الخيال