الخميس، يناير ٢٧، ٢٠١١

أيــْـوا كــَـشْ






أيوا كــَشْ
بس لسه الخوف ما مـْتـش
لسه بينا ناس بِـتِـدْفن جــَرْح جُــوَّا الطيبة خــَشْ
لسه فينا ناس بــِتاكُــل
ناس بــِتـِشْـرَب
ناس بِــتـِلْبـِسْ توب مَهوش مَغــْزول بــِقَــشْ
لسه فينا ناس بِـتِـضْحَك
ضِحْــكة سُــودة
تـُعـصر الدَّمعه فـِ سُـكوتـَها
تـُحضُن الآهة الوَدودَة
آهة .... مــِش على قـَد خَــدْش
صابره جداً
صابره جداً
واحنا شئنا
واللا شاء الرب خــِيرة الجُــنْـد فعلاً
سـِيفنا بره الغمد وقت الشِّـده سَـدْ وما ارتـَعـَش
سـِيفنا زي غضبنا مارد
كل واحد فينا ساكن جـُّـوا مــنـّـُه ألف واحد
ألف فارس مَـتوَلَـدْش
والجنود محتاجه قائد
والقيادة متتشـَحَتـْش
تـِتْخلق لما الحياة تـِتساوى ويـّا الموت بـِقرش
واحنا بين العيب وميزتـُه
موجة بـِتعافر في تـُقـْل البحر وفي قـوة شريعتـُه
تِـتْقـِِلِب على صخره فاكره ....
إنها مَـبْـتـتْـكِسـِرش !
يا شبح خيّـم على سطوح الحواري والنجوع
يا برودة عضم بـِتْـنخور مع الأحزان ضلوع
يا وجع مَـبيرتِـجـِعْـش
يا ابتسامتنا اللي غابت والدموع مبتتمـِسِحْـش
ليه نخاف عـَ العمر واحنا
صفر فيه مَـبِـيِتْـحِـسبش؟
ليه يـِدادي الغول جـِراحنا
والغيلان مبتتعاشـِرش
يا جبان يا قلبي بُكره
غصب عنك جَيْ جَيْ
تبقا واحد في المظاهرة
تبقا ميِّـت
تبقا حَـيْ
تبقا أول في امتحانك
واللا حلم ميتجاوبش
تبقا سمكه في بحر واسع
والللا سمكه فــِ بطن قرش؟

هناك ١٠ تعليقات:

عمار مطاوع يقول...


ماشاء الله
موهبة حضرتك فوق الوصف
ربنا يبارك ليكي في موهبتك

غير معرف يقول...

جامدة جامدة جامدة جامدة جامدة

احمد عبد الرازق يقول...

مدونه بسيطـــه....واكثر من رائعــــه

صحة أون لاين يقول...

اكثر من رائع .. سلمت يمينك

الصحيفة الصادقة يقول...

"بنت عادية جدا" مدونة جميلة جدا وبسيطة

hend يقول...

حلوة قوي يا رشا بجد تسلم أيديك ...

العاب يقول...

nice blog

مدونة وظفني يقول...

بصراحة روعة تسلم

علا يقول...

فعلاً المدونة من أهم المدونات والموضوعات مهمة جداً ، مشكووووووووووووووور

المثالي جروب يقول...


شركة كشف تسربات المياه بالخبر
شركة مكافحة النمل الابيض بالخبر
شركة تنظيف بالخبر
شركة تنظيف شقق بالخبر
شركة تسليك مجاري بالخبر