الجمعة، أغسطس 31، 2007

يــا ربـنـَّـــــا


يا ربنَّا
من ييجي كام مليون سنه بَعْصاك وقلبي بيهجُرك
من أد إيه بوعد ومش بوفي وتدعيني وانا بستمْهِلَك
واما تناديني الأمنية
بِرضاك
تاخدني المعصية
وتلف بيَّه الدايره أشكي التوهة وأرجع أحنلَك

يا ربنَّا
لوفاتت الأيام عليَّه سنين بتسرق بعضها
لما تلاقيني بمد إيدي لحب غيرك رُدَّها
الخوف على الدنيا انكتب
والضعف ليه مليون سبب
وانت القوي فوق الخطايا وفوق سمانا وأرضها

يا ربنَّا
أنا مش بعيط لجل ليله تعدي وأرتاح بالدموع
زوَّادي يبقا القرب وأبعد واشتري بالدنيا جوع
لو ضلم الاحساس أوي
اشرق على قلبي القوي
واحيي اللي مات قَبْلِنْ يموت اللي مَيِمْلِكْشِ الرجوع

يا ربنَّا
يا اللي متصعبشي الهدايه عليك وقادر ع القدر
يا اللي مبتردش دُعايا وانت أقرب للبشر
من ضمة الروح للوريد
من فرحة الصايم بعيد
اجبر طريق اللي عرف معنى الكمال لما انكسر




هناك 12 تعليقًا:

ثورة يقول...

اجبر طريق اللي عرف معنى الكمال لما انكسر


لما تلاقيني بمد إيدي لحب غيرك رُدَّها


احيي اللي مات قَبْلِنْ يموت اللي مَيِمْلِكْشِ الرجوع




حكم وجدانية رائعة يا رشا ومناجاة صادقة

كلام يدخل القلب .. أنا سعيدة إني أول تعليق على القصيدة

يبدو إنها نقطة تحول في حياتك

أنا كمان بمر بمرحلة تحول

ربنا يرزقك التوفيق والهدى والكمال


أختك ثورة

آلام وآمال يقول...

مفيش تعليق يتقال على الكلام ده غير اني اقول ربنا يتقبل منك ويهدينا ويهديكي لما يحب ويرضى

اللهم امين

سى السيد يقول...

اللهم آمين
تقبل الله منا ومنك
هتصدقنى لو قلتلك ان مريت الوقتى على اكتر من 40 مدونه انت اكتر مدونه شدتنى
مناجاه جميله
استحضار روحانى
خدت نفسى وسرحت بعيدة شكرا على الجرعه الايمانيه تسمحيلى اضيف المدونه عندى
مستنى زيارتقك

مـحـمـد مـفـيـد يقول...

لو ضلم الاحساس أوي
اشرق على قلبي القوي

حلوه اوي دي
بجد ممتعه جدا

كل سنه وانتي طيبه ورمضان كريم عليكي وعلي الاسره جميعا

كراكيب عادل يقول...

كل سنة وانتي طيبة

Wael يقول...

جميلة اوى اوى اوى

رشا عبد الرازق يقول...

ثورة
صديقتي العزيزة
شكرا أولا متباعتك
وثانيا على دعوتك الرقيقة
واعذريني للتأخير في الرد
وتقبلي خالص مودتي :)

رشا عبد الرازق يقول...

وإياكم آمال وآلام
ويجعل أفعالنا لوجهه وكلماتنا لأجله
يا رب:)

رشا عبد الرازق يقول...

وانت طيب محمد مفيد

وسامحني على التأخير بجد

وشكرا على تشجيعك ومرورك الرقيق :)




كراكيب عادل

ازيك
بجد نورت المدونة
وعايزه أروح أعلق على الغروب اللي عندك ده

شكرا لتواجدكم

رشا عبد الرازق يقول...

سي السيد

العفو يا أفندم
ده شيء بجد يشرفني وانا سعيدة اني كنت من ضمنهم واتمنى ان اجدر بما ترى في صفحتي الصغيرة
جعل الله أعمالنا لوجهه
شكرا لك :)

رشا عبد الرازق يقول...

وائل
مرورك هو الاجمل
لك خالص تقديري :)

mahmoud يقول...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير