الأربعاء، أغسطس 22، 2007

حوانـيت الكــلام ... قـفلـــتْ

وداريني
من الحلم اللي متلخبط على وش الكلام داري
وخليني
أكمل سكتي مش خايفه م الآخر في مشواري
نطير والأرض تبقا جناح
أنا عايزه اللي جاي فرحه على جبين النصيب ترتاح
و(ممنوع) الفراق كلُّه
ولو خيط الوصال مغزول بأوجاعنا في توب ضلُّه
وممنوع في الغرق موتي
مدام مسك الشراع ملاح
!أنا مش أد يا بحر الغرام غدرك
ولا في برّك......
لقاني وراح
ولا أد الجراح تتمس
يا راسم كلمتينَك غنوة مرصوصه في سِياجَك رص
متسألنيش عن القمر اللي مش قادر يكون فرحان
ولا قادر كمان يحزن
و تتعصب أوي جدا
عشان الضحكة لو قامت على كتاف الأدان تدّن
يقوم الفجر لو باهت
لكن بايت....
بخير جدا
لا طال حلمُه...
ولا طال النهار موجوعْ
....
....
....
....
....
حوانيت الكلام قفلتْ
وباعت للقلوب الوقت
(عزيز عيني)
على عيني ....
يكون الحلم مش دلوقت

هناك 21 تعليقًا:

Halawa يقول...

تالت مرة بعيط
لما أدخل البلوجاية دي

ربنا يوفقنا

يا إنساااااااااانة

HaMbAcAWeY يقول...

الله حلوة أوىىىىىىىىىى
إنتى بتفكرينى بسيد حجاب جدا
فى طريقتك و أسلوبك واضح إنك واخدة الشعر مهنة
لأنك مش مجرد هاوية خالص
إنت بتكتبى قصائد تمس أوتار حساسة جدا فى حياتنا
مبروك و أحب أشكر الأستاذ حلاوة إنه عرفنى بيكى

SAKAyAR يقول...

عشان الضحكة لو قامت على كتاف الأدان تدّن
يقوم الفجر لو باهت
لكن بايت....
بخير جدا
لا طال حلمُه...
ولا طال النهار موجوعْ
مش عارف اقول حاجة بعد الجزء ده بجد ... بس ربنا يوفقك دايما ومزيد من الابداع

رشا عبد الرازق يقول...

لا يا سيدي
مفيناش من عياط
شكرا لرهافة شعورك ولكرمك في المرور على مدونتي

تنيرها دوما
تقبل وافر تحياتي :)

رشا عبد الرازق يقول...

HaMbAcAWeY
سيد حجاب مره واحده ؟
ربنا يسمع منك
يا رب كمان يبقا الشعر مهنه
لأني معتقدش اني ممكن أحب أي مهنة في الكون أد حبي للساعه اللي بكتب فيها الا الساعه اللي بقرا فيها وانا بترجف وخايفه من الشيء اللي كتبته حتى لو طلع عبيط ورميته
شكرا لك
وأهلا بك
وقول يا رب:)

رشا عبد الرازق يقول...

SAKAyAR
شكرا جزيلا لك
والابداع ده مرحله بعيده
نفضل باصين عليها طول العمر
وتبقا أجمل كل ما نقرب مها
فتبعد أكتر !!! جزاك الله خيرا
وألف تحية :)

الخيط الرفيع يقول...

ايه دا يابنتي

لا لا بجد انتي معديه

في حتت داريني كتبتي همهمة الواحد في ضلمة عمره

وطلبك للرحمه رقيق قوي

على عيني ....
يكون الحلم مش دلوقت

لو تسمحي اخرجي من الحته دي وجدانيا
لان مفيش لحاجة وقت احنا اللي بنوفر لاي حاجه وقتها

inksarat يقول...

جميلة جدا
ومؤثرة لاقصى مدى
..
تحياتى يا شاعرة

inksarat يقول...
أزال المؤلف هذا التعليق.
Basma يقول...

أنا عايزه اللي جاي فرحه على جبين النصيب ترتاح
و(ممنوع) الفراق كلُّه

أنا كمان مثلك عايزه
ياريت يا رشا يسمع الناس منك ويعرفو أن الحياه قصيرة ويحاولو يعيشو الفرحة
الناس بخيلة وبتكنز حتي الفرح لكن الاحساس مش بيدخل في الميراث

أنت جميلة واللي بتكتبيه جميل وأنتي أختي وأنا بحبك
مش كفاية؟؟
;)

3ashe2elro7 يقول...

الله الله الله
تسلمى و يسلم قلمك
ويارب على طول لقدام
وتحافظى على قلمك و فكرك

ثورة يقول...

حوانيت الكلام قفلتْ
وباعت للقلوب الوقت
(عزيز عيني)
على عيني ....
يكون الحلم مش دلوقت



مبالاقيش كلام أقوله
انتى هنا اللى بتقولي
واحنا بنسمع ومنتكلمش

ربنا يحميكي

غير معرف يقول...

تحيه خاصه جدا إلى من ساهمت كلماته في إنتزاع هذه الدره من براثن الحزن....عصفورالشعر القدير عبدالمجيدعتلم

غير معرف يقول...

عن قصيدة (عزيز عيني) لشاعر العميه الشهير عبدالمجيد علتم !!! الله الله

رشا عبد الرازق يقول...

الخيط الرفيع
شكرا على إحساسك
بس صدقيني
الوقت غير المناسب
هو الشخص غير المناسب في وقته
أو الشخص المناسب
بعد مضي وقته

من هنا تحدث منطقية الأقدار التي كثيرا ما نقبلها
عن طيب خاطر :)

رشا عبد الرازق يقول...

inksarat

جمل الله أيامك

شكرا على ذوق مرورك
تقبل تحياتي

رشا عبد الرازق يقول...

بسمه
كفايه يا حبيبتي
انتي مش بس أختي
انتي صديقتي
وشبهي في حاجات كتير
عشان كده مصدقه ان كل كلمه جوايا وصلتلك
عارفه
اللي يلاقي الفرحه وميمسكش فيها بكل ما يملك من إراده
بيبقا قليل عليه جدا
الندم

ومسيرنا يا غاليه على فرحه نتقابل :)

رشا عبد الرازق يقول...

3ashe2elro7

اللهم آمين
ويزيدني من كرم الأحبة أمثالكم

خالص تقديري على كرم حضورك

رشا عبد الرازق يقول...

ثورة

وهو فيه صوت ينفع من غير ما ناس تسمعه
هياوي إيه لو اتردد لوحده في الفضاء
الجمال جمال المتلقي
وأنت من أجملهم

شكرا
وأكثر

رشا عبد الرازق يقول...

الأخوة الاعزاء المنوهين لقصيدة عزيز عيني للأستاذ الشاعر القدير عبد المجيد عتلم

والتي كانت قصيدتي ردا عليها
فنصي منشور في عدة منتديات تحت عنوان انه رد على قصيدة عزيز عنين
وعبد المجيد عتلم
هو أستاذي
مما يشرفني كثييييييييرا حين أرد عليه لو تعلمون

شكرا لكما :)

mahmoud يقول...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير