وداريني
من الحلم اللي متلخبط على وش الكلام داري
وخليني
أكمل سكتي مش خايفه م الآخر في مشواري
نطير والأرض تبقا جناح
أنا عايزه اللي جاي فرحه على جبين النصيب ترتاح
و(ممنوع) الفراق كلُّه
ولو خيط الوصال مغزول بأوجاعنا في توب ضلُّه
وممنوع في الغرق موتي
مدام مسك الشراع ملاح
!أنا مش أد يا بحر الغرام غدرك
ولا في برّك......
لقاني وراح
ولا أد الجراح تتمس
يا راسم كلمتينَك غنوة مرصوصه في سِياجَك رص
متسألنيش عن القمر اللي مش قادر يكون فرحان
ولا قادر كمان يحزن
و تتعصب أوي جدا
عشان الضحكة لو قامت على كتاف الأدان تدّن
يقوم الفجر لو باهت
لكن بايت....
بخير جدا
لا طال حلمُه...
ولا طال النهار موجوعْ
....
....
....
....
....
حوانيت الكلام قفلتْ
وباعت للقلوب الوقت
(عزيز عيني)
على عيني ....
يكون الحلم مش دلوقت
هناك ٢٠ تعليقًا:
تالت مرة بعيط
لما أدخل البلوجاية دي
ربنا يوفقنا
يا إنساااااااااانة
الله حلوة أوىىىىىىىىىى
إنتى بتفكرينى بسيد حجاب جدا
فى طريقتك و أسلوبك واضح إنك واخدة الشعر مهنة
لأنك مش مجرد هاوية خالص
إنت بتكتبى قصائد تمس أوتار حساسة جدا فى حياتنا
مبروك و أحب أشكر الأستاذ حلاوة إنه عرفنى بيكى
عشان الضحكة لو قامت على كتاف الأدان تدّن
يقوم الفجر لو باهت
لكن بايت....
بخير جدا
لا طال حلمُه...
ولا طال النهار موجوعْ
مش عارف اقول حاجة بعد الجزء ده بجد ... بس ربنا يوفقك دايما ومزيد من الابداع
لا يا سيدي
مفيناش من عياط
شكرا لرهافة شعورك ولكرمك في المرور على مدونتي
تنيرها دوما
تقبل وافر تحياتي :)
HaMbAcAWeY
سيد حجاب مره واحده ؟
ربنا يسمع منك
يا رب كمان يبقا الشعر مهنه
لأني معتقدش اني ممكن أحب أي مهنة في الكون أد حبي للساعه اللي بكتب فيها الا الساعه اللي بقرا فيها وانا بترجف وخايفه من الشيء اللي كتبته حتى لو طلع عبيط ورميته
شكرا لك
وأهلا بك
وقول يا رب:)
SAKAyAR
شكرا جزيلا لك
والابداع ده مرحله بعيده
نفضل باصين عليها طول العمر
وتبقا أجمل كل ما نقرب مها
فتبعد أكتر !!! جزاك الله خيرا
وألف تحية :)
ايه دا يابنتي
لا لا بجد انتي معديه
في حتت داريني كتبتي همهمة الواحد في ضلمة عمره
وطلبك للرحمه رقيق قوي
على عيني ....
يكون الحلم مش دلوقت
لو تسمحي اخرجي من الحته دي وجدانيا
لان مفيش لحاجة وقت احنا اللي بنوفر لاي حاجه وقتها
جميلة جدا
ومؤثرة لاقصى مدى
..
تحياتى يا شاعرة
أنا عايزه اللي جاي فرحه على جبين النصيب ترتاح
و(ممنوع) الفراق كلُّه
أنا كمان مثلك عايزه
ياريت يا رشا يسمع الناس منك ويعرفو أن الحياه قصيرة ويحاولو يعيشو الفرحة
الناس بخيلة وبتكنز حتي الفرح لكن الاحساس مش بيدخل في الميراث
أنت جميلة واللي بتكتبيه جميل وأنتي أختي وأنا بحبك
مش كفاية؟؟
;)
الله الله الله
تسلمى و يسلم قلمك
ويارب على طول لقدام
وتحافظى على قلمك و فكرك
حوانيت الكلام قفلتْ
وباعت للقلوب الوقت
(عزيز عيني)
على عيني ....
يكون الحلم مش دلوقت
مبالاقيش كلام أقوله
انتى هنا اللى بتقولي
واحنا بنسمع ومنتكلمش
ربنا يحميكي
تحيه خاصه جدا إلى من ساهمت كلماته في إنتزاع هذه الدره من براثن الحزن....عصفورالشعر القدير عبدالمجيدعتلم
عن قصيدة (عزيز عيني) لشاعر العميه الشهير عبدالمجيد علتم !!! الله الله
الخيط الرفيع
شكرا على إحساسك
بس صدقيني
الوقت غير المناسب
هو الشخص غير المناسب في وقته
أو الشخص المناسب
بعد مضي وقته
من هنا تحدث منطقية الأقدار التي كثيرا ما نقبلها
عن طيب خاطر :)
inksarat
جمل الله أيامك
شكرا على ذوق مرورك
تقبل تحياتي
بسمه
كفايه يا حبيبتي
انتي مش بس أختي
انتي صديقتي
وشبهي في حاجات كتير
عشان كده مصدقه ان كل كلمه جوايا وصلتلك
عارفه
اللي يلاقي الفرحه وميمسكش فيها بكل ما يملك من إراده
بيبقا قليل عليه جدا
الندم
ومسيرنا يا غاليه على فرحه نتقابل :)
3ashe2elro7
اللهم آمين
ويزيدني من كرم الأحبة أمثالكم
خالص تقديري على كرم حضورك
ثورة
وهو فيه صوت ينفع من غير ما ناس تسمعه
هياوي إيه لو اتردد لوحده في الفضاء
الجمال جمال المتلقي
وأنت من أجملهم
شكرا
وأكثر
الأخوة الاعزاء المنوهين لقصيدة عزيز عيني للأستاذ الشاعر القدير عبد المجيد عتلم
والتي كانت قصيدتي ردا عليها
فنصي منشور في عدة منتديات تحت عنوان انه رد على قصيدة عزيز عنين
وعبد المجيد عتلم
هو أستاذي
مما يشرفني كثييييييييرا حين أرد عليه لو تعلمون
شكرا لكما :)
إرسال تعليق