الأحد، مايو 18، 2008

كِــتافْ النَّصيبْ




بَلع رِيقُــه
ودمّع دمْعتين تايهين ما بين صِدْقُــه وبين ضيقُه
وأنا جَمْبُه
ما بيني وبينُه شبرْ يا دوب ْ وكام سانتي ...!
وقاللَّي : المستحيل إِنتي !
ضحكْ
كشَّر
وِقع منِّي الكلام عَـ الأرض مليون حرف متكَــسر
لهف قلـبــُه بآهة خوفْ
وقال :حاسبي الكلام خَنْجَرْ
جرح إيدي
عيونُه الضيَّقَه تِقْدَرْ
تطيِّب جرح غالي الدَّم لو كان الكلام يـِقـْــدَرْ!


معاك منديل ؟
خالص هاتو
هَوارِبْ بيه بِيبـَان قلبي وألَملــِـم ضي كان أَخضَرْ
تَلاتَهْ فِــ حِسْبِتـَكْ.... تِخْسَرْ
يا تِبقو اتنين
يا نِبقا اتنين
وراحْ سائـِل : وِصِلْـنا لِـفينْ؟
رَميتْ دَمْـعي عَلَى الشـباكْ
ورَجْعِـة صوتُه بِتفكَّرني بالعمر إللِّي فاتو هناك
وصلنا خلاص .... يا دوب شارعين

سَرَح وادَّارى في التّنْهيدْ
وشُفت الفِكرَه جمب الفكره بتشَدُّه لحد بـِعيد
حرام ع الفَرْق في التّوْقيت
يـِقَرّبنا في مَعاد عدّا
وِيوْعِدْنا وِمَفيش مَواعيدْ!
سَأَلني :
طَبْ و كُنتَ أَقْدَرْ ؟ ؟
سَجَنْتْ الرَّدْ إيه يِسْوَى الكلامْ لوْ قُلْتُه مِتْأَخرْ
وحلـْم الليل ... يِموتْ بِاللِّيل
إِذا مَقْدِرْشي يِتْفَسَر
عليك ذنبي
على عُيونَك مَعَ وضوح النَّهار
ذنبي !
شافِتْني عنيك
وكان مُمْكِن تِشوف قلبي

وَجَعْتُه وٍرَجْفِةْ الفُرْقَه
بِتِدْبَحْ فيه
وبِيْخَبّي
وخُفْت عَليه
سِتارةْ رِمْشي سَرَقِتْني لِحَدْ عِنيه
وِضَمِتْني بِعذابْ: "حاضرْ
هَضُم فـِ كِبْرياءْ حُبِّك بِـطول الماضي والحاضر
وهَبْعِدْ... فيها إيه نِبْعِدْ
ما نِبْعِدْ
بَسْ مُشْ قادر !
لَوْ أَفْضَلْ في الطَّريق ليكي ؟
لَوْ أَوْصَلْ بيكي للآخِر
وليه يِبْقا احْتِمال قُرْبِكْ؟
وبُعْدِكْ يِبْقا ليه لازِم ؟"


عَذابْ قَلْبُه بِيِقْتِلْني
وساعاتْ الموت يِكونْ ناعم !
"يا كُلْ العُمْر فات الوَقْت هِيَّه الإسم عَـ الخاتم
وانا الذنب اِللِّي فِـ ضُلوعَـك
وانا التُوبَهْ فـِ ضُلوعْ نادِم
وانا حَرْف الأَلِفْ في نِهايِةْ الكِلْمَه
وِفِي القِسْمَه
مفيشْ لازِم !!
هَتِنْساني
وهَقْدَرْ عَـ الطَّريق بَعْدَك
دانا صَدَّقْني مِن أَبْعَدْ مَكان عنَّدَك"
صَرَخْ : إِنْتي؟ ؟
دا بِينَّا يا دُوبُه شِبْر وِنُصْ لَوْ زادْ يِبْقا كَام سانْتي ؟

مَنيش جَمْبَك
ومُشْ مُمْكِنْ هَكونْ جَمْبَكْ
أَنا الصُّوره اللِّي وِقْعِتْ من حَيطانْ قَلْبَكْ
وانا كُلّ اللّي بيه هَتْخون
وهَيْخونَكْ
عَشان حَبَّك
أنا همك
أنا جرحك
ْ.
.
.
.
!
كِدِبْتْ عَليه
عَشان شُفْتِ الهَوان عَلى قَلْبي بِيْعافـِرْ فِـ دَمْعِ عِـنيه

ومَتْعِبْتِشْ في تِصْديقُه
و بَلع رِيقُــه
وِصَدَّق كِدْبِتي وِعَلَّقْ عَلَى كِــتافْ النَّـصيبْ ضيقُـه
وِراحْ ماشي !!!





هناك 13 تعليقًا:

الاسطى يقول...

يااااااااه .. شعر دا بردو ..؟
مش عارف ... بس حاسس إنه حاجة أعمق من الشعر شوية ..
كلام مش زى الكلام ..على رأى جورج
بجد تحفة تحفة تحفة ..
تحياتى ليكى

إبـراهيم ... معـايــا يقول...

فجأة أتذكر أنكِ شاعرة أعرفها (ربما) جيدًا .....
.
.
كيف أنتِ يا رشـا ...
ربما لم تصدري ديوانك بعد ...
لكن شعرك كثيره يعجبني ...

ياللا بقى ، نريد أن نحمله بين يدينا

في انتظـارك دائمًا
***********
قصيدة راااائعة
أكثر من شعر على رأي الأسطى

ريحانة يقول...

المفروض لما اعلق اقول ايه؟
اقولك انتى رائعة؟
طب ما أنتى رائعة



رشا
كتير الكلام بيعجز قدام ناس كتير
مش لاقية كلام
حبيت بس اقولك انى مريت "هنا" واستمتعت جداااااااااااااااا



تسلم موهبتك:)

رشا عبد الرازق يقول...

الأسطى
شكرا على روعة ردك اللي فرحني
ربنا يخليك يا رب
معرفش امتى بيكون عميق وامتى بيكون سهل
بس هو كلام اتكتب في كتير
في جزءصغير من العمر

تحياتي ليك وتسلك يا رب :)

رشا عبد الرازق يقول...

مش متاكده يا ابراهيم
يمكن انا كمان أعرفك

على كل حال حتى لو تعرفني يبقا أكيد كان من زمان

لأن صدر ليه ديوانين
عامي واسمه بنت عاديه جدا وصدر منه 3 طبعات حتى الآن كانت الأولى من 3 سنوات تقريبا
وفصحى واسمه تفاحة حواء وكان هذا قبل عام
وادعيلنا ربنا ييسر اللي جاي بقا

وردك _ ما دمت انت هو أنت _ فهو أكثر من مجرد تعليق أسعدني

:)

رشا عبد الرازق يقول...

ريحانه الحبيبه
ومرورك فرحني
ازيك ؟ يا رب بخير ديما
ويا ريت يطاوعني الكلام ويطول لقاء الأحباب كده

:)

الأدباتي يقول...

والله العظيم ما يتوصف

اصلي هاقول ايه في الكلام ده

بجد انتي موهوبة ومفرداتك قوية أوي أوي أوي

تحياتي

أخوكي
الأدباتي

رشا عبد الرازق يقول...

أهلا اهلا أهلا
بالأخ الأدباتي
سعيدة بتشريفك
ومش جديده سعادتي برأيك
بشكرك جدا جدا
ويا ريت تنورني ديما :)

تقديري

بنت الماضي يقول...

رشا
لو قلتلك القصيده دي عملت فيا ايه اول ما قريتها
زي كل كتاباتك اللي في العمق
ربنا يحميلك قلمك بجد لانك تستاهلي الخير كلو
وحشاني اوي ونفسي اشوفك
وبادعيلك بجد

Manamino يقول...

مش هاقول روعة ولا تحفة ولا اي حاجة خالص
بس هاقولك اني عيطت كتير قوي وانا باقرا القصيدة
تحياتي

غير معرف يقول...

فكرتينى بالشعر .. الله يهديكى
كنا نسيناه .. يلا الامر لله

غير معرف يقول...

وجعتنى اوى يا رشا

كلامك بيمس قلبى جدا

mahmoud يقول...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير