الجمعة، يونيو ١٣، ٢٠٠٨

الميزان


هنا سَـقطت....
حصونُ جزيرةُ العشق
ِعلى بـَرٍّ من الشوك ِ
هـُنا في صَحوة الكلمات ِ فاضت لـَفْحـَة ُالشَّـوقِ
تركنا ساعة َ الدنيا تَـَدُقُّ لِـصَحْوَة ِالمَوْتِ
وتُحيينا بلا جـَسَدٍ
يَذوقُ حَلاوَة العـِتْق ِ !
هُنا مُـزِجـَتْ شجاعـَتـُنا
بقيمةِ مَنْ تـَحـَمَلـْنا
لنبضٍ ضاق بالوجدان عند رحابةِ الأفقِ !
لِيُغفِل ما مَضَى مِنـَّا
ويِقْصِدَ ما تغافلناهُ بالآهاتِ والصدق
تـَجاسـَرَ نَبْضُنا المعقولِ فوقَ قلوبنا عُنوة
وراح الصبرُ يـُضْنـينا فـَأَلْـقيناهُ في الـهُـوَّة
وصار القلبُ عند العقل لا حولولا قوّة !
فيا كل الذي يحيا بعقلِ كنتُ أعرفـُه
وقلب صرتُ أعرفـُه
هناك على يمين ِ العمر يومٌ لستَ تـَعرِفـُه
سـيُـدْني راحة َ الميزان
ِيـُسْـقـِطـَني
لِـتـُنْـصِفَهُ !

هناك ٤١ تعليقًا:

غير معرف يقول...

أنا ليا طلب عند سيادتك
أنا كنت عاوز الكتاب بتاعك اللى سيادتك كتبتيه

انا لقيت موقع فى النت بيبيعه فطلبته وماحدش عبرنى

يااما تقولى اجيبه منين

يا اما أجى أخده بنفسى
أهو غلاسه بقى بس الكتاب عاجبنى
وأكون شاكر
تقبلى تحياتى

غير معرف يقول...

انا أقصد كتاب بنت عاديه جدا

رشا عبد الرازق يقول...

سيادتي مره واحده ؟ :) الله يحفظك
إنت يا افندم تجيب الكتاب وتشرفنا كمان ده كلام ؟ :)
هو أساسا انا حاسه بمشكلة في التوزيع أسأل الله إنها تتحل قريب بشكل حالي أو بشكل آخر أسعى فيه حاليا
بص يا محمود حاليا ولحد ما توصلني أسماء بقية الموزعين اللي اتغيرت اساميهم هديك عنوان المكتبة الوحيدة اللي متاكده ان فيها الديوانين
العامي .......... بنت عاديه جدا
والفصحى ......... تفاحة حواء

مكتبة الإعلام - 13 ش. ابن هانئ الاندلسي المتفرع من ش. الطيران - مدينة نصر
وبشكرك على اهتمامك وومرورك وان شاء اله أسمع رأيك في الديوانين قريبا :)

مجدى الجبالى يقول...

طب حاولى تخللى الناشر يتعاقد مع أى مكتبة فى التحرير أو رمسيس و بعد كدة توجهى القراء من النت عليهم لأن القاهرة الكبرى كلها بتعدى على رمسيس أو التحرير مرة أسبوعيا على الاقل

مجدى الجبالى يقول...

أسف ممسكتش نفسى سمحينى سرقت منك عنوان
كالعادة بقى مانتى عارفة
ربنا يخليكى لينا و يجعل بيت المحسنين عمار إلهى تربحى و تكسبى و يجعل الناشفه فى إيدك طرية إلهى يطعمك ما يحرمك قادر يا كريم

مجدى الجبالى يقول...

أسف نسيت أعلق على المقالة:

بابنتى كفاية فصحى تقيلة إنت مش شايفة حال الشعب بتاعنا و كمان إنت بتخسرى قراء كتير من النوع الخفيف اللى بيمر يلاقى ما فتء و غصن نقا مكللا بالذهب يحلف ماهو معتبها تانى انا انصح لا أهدد اللعب مع كونراد عواقبه وخيمة ريتشارد أيقظ مما تصورت كلكم و أرثر لو أراد لتكلم أيام فيليب المطرود ههههههههههههههههههه مش عارف قالبه معايا كوميدى قوى النهاردة المهم العنوان اللى سرقته منك أهو http://earsofgold.blogspot.com/
سلام

غير معرف يقول...

إلا يا رشا لما بتسقط الحصون ممكن الجيوش تغير طريقه دفاعها؟؟
ولما واحد عادل بيبص علي الميزان يلاقيه مش مظبوط بيحاول يوازن؟؟؟
...
بتقولي في سرك طبعا يا بسمه
....
أرجع وأسألك هيه الناس متعذبه ليه..
عجبي

شغف يقول...

مع مجدي الجبالي على فكرة

ركزي على العامية ، بس مش علشان العامية بتجذب القاريء الخفيف ، زي ما هوه بيقول ، بس عشان انتي صوتك فيها أصفى و أكثر صدقا

انتي أحسن في العامية من الفصحى كتير

Radwa يقول...

جمييييييييييييييييلة بجد
مش عادية جدا

blue-wave يقول...

انتى بجد بنت مش عاديه وكلامك بجد جميل
تحياتى لك ولمدونتك

Unknown يقول...

رشا عبد الرازق ..
يااااااااااه
و الله وحشتيني جدا ..
من زمان لم اقرألكِ أي شيء..
و سعدت جدا بالمدونة ..
و بالكتاب ..
ربنا يوفقك .

غير معرف يقول...

رشا
أنا أخيرا حصلت على كتاب بنت عاديه جدا
ممتاز
أجمل ما يميزه فى معانيه:

الجمع بين المعرفه والمشاعر
الجمع بين الحب والالتزام
الجمع بين الدين والحياه
الجمع بين الحريه والحياء
على قد ماعرفت استنتج طبعا وأنا على قدى فى الحاجات دى بس دا رأيى
أتمنى منكى المزيد
شكرا

goodman يقول...

عزيزتى
انت محترفة بالفعل
استطعتى ان تتسللى الى نبضى وتعطينى جرعة زائدة من الشعر الرومانسى الاصيل
لعلى يفعل مالم يفعلة الدواء

بالمناسبة انا لا اتذكر التعليق الذى قلتى انى ارسلتة فيما مضى فهل لى برابط المدونة القديمة

حزيــــــــــــــــــن يقول...

جميل والله
بس النوع دا من الشعر له قراء معينون
اتمنى لك التوفيق

أحمد مهنى

عمرو وجيه يقول...

جميلة جدا


و احلى حاجة انها قصيرة و تحمل معانى غزيرة

و اسلوب رائع

غير معرف يقول...

كانت هذه المدونه موجوده فى قائمه المفضله

عندى لم انتبه لها الا الان وادركت انى حصلت على كنز رائع

ما شاء الله فعلا كلماتك استاذه رشا رائعه جدا لا ادرى كيف اصفها

بالتاكيد مهما وصفت سيكون هناك قصورا فى وصفى

فالاحرى ألا اصف كلماتك لكى لا تكون كلماتى عقيمه امام هذه الروعه

لكى منى كل التقدير والاحترام

( احمد )

غير معرف يقول...

يا أستاذه رشا
انتى ليه مبتكتبيش كتير رغم انك لقيتى اقبال كتير على كلماتك وكتاباتك؟
يلا بلاش كسل

admelmasry يقول...

علي كدا المدونة القدمية خلاص ولا ايه ؟؟؟
.
.
انا كنت دايما باخش ع المدونة التانية
ولكن اسعدني جدا وجودك هنا بما انها الافضل لديك
سوف التقي بك دوما علي هذه المدونة
.
.
تحياتي
والسلام
ادم المصري

رشا عبد الرازق يقول...
أزال المؤلف هذا التعليق.
رشا عبد الرازق يقول...

عشان مفيش أمان يا بسمه

بس:)

رشا عبد الرازق يقول...

شغف
منوره المدونه يا عزيزتي

والله انا اللي ظلمت الفصحى معايا
انتي عارفه ان زمان ناس كتير قالتلي بطلي عامي انتي أحسن كتير في الفصحى !!!
وعلى كل حال أنا سعيدة برأيك وان شاء الله في أقرب مما تتصوري هحط النص العامي الجديد
تحياتي لكِ :)

رشا عبد الرازق يقول...

سندريلا
أنا بحب الاسم ده فوق ما تتخيلي
بيفكرني بالمرحوم بابا

شكرا يا عزيزتي على رأيك اللي مش عادي في ذوقه

لكِ خالص تقديري :)

رشا عبد الرازق يقول...

انت خريج علوم يا دكتور عمرو .؟
هو ايه الحكاية الشعر مع بتوع علوم وطب وصيدلة وبيطري وكده يعني ؟

شكرا على تشريفك اللي اتاحلي فرصه أتعرف بمدونتك وأقرأ فيها
وخاصة نص نور واللي عجبني فعلا
أنا بشكرك على ذوقك ورأيك السخي في رقته
جزاك الله خيرا :)

رشا عبد الرازق يقول...

شيماء علي
يااااااااااااه دي
من سوء حظي وقلة وقتي يا غالية
الله يبارك فيكي وربنا يكرمك يا رب
وديما ألاقيكي منوراني :)

رشا عبد الرازق يقول...

جدي الجبالي
أولا أنا بشكرك على تواجدك
ثانيا
أنا في الأساس كنت بكتب فصحى ومنها جذبني العامي حتى عشقته والفصحى لما بتبقا كويسه العامي لنفس الكاتب_ لازم يبقا كويس وده له معجبين وقراء والتاني ليه بردو المهم تكون الحالة واضحه والخطاب بسيط وده اللي بتمناه لقلمي
ثالثا انا بكرر إني عندي مشكلة في التوزيع بعتذر كتير عنها بس مش بإيدي للأسف ودي هتاخد وقت في حلها ولو بإيدي كنت اشتريت كل النسخ واتصرفت بس فيه طبيعة اتفاق وعقد بيني وبين الناشر في الديوانين دول موقفاني عن ده وبندور على حلول دعواتك
رابعا شكرا على رابط الموضوع اللي قريته عندك وعجبني بس كان في عجالة فملحقتش أحط رد ودي ثقة بعتز بيها جدا يا مجدي
وأخيرا
يسعدني دوما حضورك وصداقتك لبنت عادية
جزاك الله خيرا :)

رشا عبد الرازق يقول...

محمود
بهني نفسي على حصولك على الديوان
و ممتنة جدا ليك على رأيك فيه ومستنية رأيك في الديوان التاني _ تفاحة حواء _
وعموما بنت عادية كان محاولة أحسبها صادقة لبنت عادية انها تكون زي ما هيه بالضبط بدون أي رتوش حلوة او وحشه
وأنا أتمنى يكون ده وصل
وبكرر شكري على رأيك وامتناني لتشجيعك والله المستعان في المزيد

خالص تقديري :)

رشا عبد الرازق يقول...

http://bint3adia.blogspot.com/search?updated-max=2006-11-07T11%3A27%3A00%2B02%3A00&max-results=7

احم احم

هو انا معرفش الرابط كده يتحط يبقا صح واللا غلط

بس عموما ردك كان في موضوع ( هم فين بتوع حقوق المرأة .... مش باينين كفا الله الشر )

بس ردك مدايقنيش انا بس معرفش ازاي مشوفتوش الا مؤخرا يمكن لاني كنت بغيب فترات طويلة عن النت ومعلقتش عليه
والحمد لله أهو كان سبب في المعرفه وتشريفك مجددا لصفحتي


وهنا
يجب أن أشكرك على رقة تلقيك لكلماتي المتواضعة
ويسعدني المزيد من التواصل ان شاء الله :)

رشا عبد الرازق يقول...

كاتب مصري
انا من يشرف بمرورك هنا ومروري هناك
ان شاء الله تعالى

شكرا على ذوقك الرفيع اخي الفاضل :)

رشا عبد الرازق يقول...

أحمد مهني
شكرا على رأيك وتقديرك
وطبعا تعددت الأذواق
:)
بس اللي بتمناه اني لاي ذوق منها يكون أدائي على مستوى قرائه
واللهم آمين

تحياتي :)

رشا عبد الرازق يقول...

عمرو وجيه
أنا سعيده برأيك
وهو القلم بيقف وقت ما الواحد يحس ان المعنى اللي جواه اكتمل ع الورق
بشكرك جدا واتمنى ان أكون أهلا :)

رشا عبد الرازق يقول...

والله يا أحمد أنا اللي حبيت النص ده
رغم اني ترددت كتير اني انشره وفي الحقيقه ساعات كنت بفكر أمسحه
لكن دلوقتي الوضع اتغير
لأنه بقا بوابة عرفت منها مدونات كتير متميزة
تقصيري في التواجد على النت فترات طويلة حرمني إني أعرفها

ومدونتك إنت واسلام واحده منهم
استمتعت فيها جدا

وانا بشكرك على رأيك الكرييييييييييييييم في مدونتي واللي اتشرف انها تكون عندك
بشكرك كتير :)

غير معرف يقول...

رشا معلش كنت عاوز أعرف انتى ليه بتسألى عن بتوع حقوق المرأة؟

غير معرف يقول...

أنا نفسي مش عارفة وحشتيني أد إيه
مش قادرة أحدد (الكمّية) اللي تستاهل تتحط مقياس شوق

والنص اللي قبل ده، ليته يدري..
يااااه، الواحد بقاله زمان على إحساس قديم.. قديم

انه رجليه متشيلهوش :)

أنا قلبي بيحبك.. وبيطمن عليكي.. طمنيني

أحمد سلامــة يقول...

بما انك مبتحبيش كلمة سيادتك
فسيادك شاعرة رائعة واسعدني لقياي لمدونتك جدا
وبما انك مبتحبيش كلمة حضرتك
فحضرتك القصيدة جميلة وعاجباني الموسيقى الداحلية الإجبارية في انصف التاني منها
بس ي اريت تنوني كلمة حول في لاحول ولا قوة
بعد اذن سعادة سيادة حضرتك يعني
P:
كلاكيت تاني مرة برافو جدا عليكي تناولك الفصحة والعامية بنفس الاهتمام والتماسك

Zanooba (Zeinab sab9n) يقول...

ماشاء الله أسلوبك جميل جداً

رشا عبد الرازق يقول...

(يا أستاذه رشا
انتى ليه مبتكتبيش كتير رغم انك لقيتى اقبال كتير على كلماتك وكتاباتك؟
يلا بلاش كسل)



شكرا يا محمود ربنا يخليك على التشجيع
بس هو الحقيقة مش كسل ولا حاجه
هو زي ما قال لي صديق عزيز
قلة تركيز في الدماغ
وأديني بدات أتعالج منه وعلى الله السداد
:) بشكرك

رشا عبد الرازق يقول...

ادم المصري
تحياتي

دي هيه نفس المدونة القديمة
بس غيرنا شكلها الخارجي
بس كل الموضوعات فيها بنفس اسم القديمة بالضبط
وانت ديما منورني
:)

رشا عبد الرازق يقول...

منار
حبيبتي
وحشتيني
أد ما الاحساس واحشك
ومحتجالك
أد ما انتي محتاجه اللي مش سر في أحلامك
ونفسي أكلمك
أد ما بتشتاقي لصوت فيروز وانتي مبسوطة
ونفسي أشوفك
زي ما نفسي في اللحظة دي أشوف القمر في ليلة 7 هجري

منوراني ..... اطمني وطمنيني ديما يا صديقتي :)

رشا عبد الرازق يقول...

أخي الجميل جدا احمد سلامه
شكرا على رأيك
والتنوين للي غاوية اصلا تشكيل واجب وضرورة ومتشكرة كتييييييييييييير ليك
مفيش بعد رأيك وردك ده كلام يوفيك
تسلملي يا رب
واهلا بقلمك واخوتك يا عزيزي
:)

رشا عبد الرازق يقول...

Zeinab Bnt Ali

جزاكِ الله ألف خير يا زينب
واهلا بيك في المدونة
نورتيني :)

رشا عبد الرازق يقول...
أزال المؤلف هذا التعليق.